କଲକାତା : ଆକାଶରୁ ଟଙ୍କାର ବର୍ଷା। ଏଭଳି ଏକ କଥା କାନକୁ ଶୁଣିବାକୁ ଓ ଆଖିକୁ ଦେଖିବାକୁ ଆଶ୍ଚର୍ଯ୍ୟ ଓ ଅବିଶ୍ୱସନୀୟ। ୧୦୦ କିମ୍ବା ୧୦୦୦ ନୁହେଁ ବରଂ ଆକାଶରୁ ବିଡ଼ା ବିଡ଼ା ଟଙ୍କା ଉଡ଼ୁଛି। ଏଭଳି ଏକ ଆଶ୍ଚର୍ଯ୍ୟକର ଘଟଣା କଲକାତାରେ ଦେଖିବାକୁ ମିଳିଛି। ବୁଧବାର ଅପରାହ୍ନ ସମୟରେ କଲକାତାର ଏକ କୋଠାଘରର କୌଣସି ଏକ ମହଲାରୁ ହଠାତ ଟଙ୍କାର ବର୍ଷା ହୋଇଥିଲା। ଏହା ସେଠାରେ ଉପସ୍ଥିତ ଥିବା ଲୋକଙ୍କୁ ଆଶ୍ଚର୍ଯ୍ୟ କରିଥିଲା। ସୂଚନା ଯୋଗ୍ୟ, ଆୟକର ବିଭାଗ ଅଧିକାରୀ (ଡ଼ାଇରେକ୍ଟର ଅଫ୍ ରେଭିନ୍ୟୁ ଇଣ୍ଟେଲିଜେନ୍ସ) କଲକାତାର ୨୭ ନମ୍ବର ବ୍ୟାଣ୍ଟ୍ରିକ ଷ୍ଟ୍ରିଟରେ ଥିବା କୋଠାଘରକୁ ଚଢାଉ ପାଇଁ ଯାଇଥିଲେ। ଉକ୍ତ କୋଠାଘରର ମହଲାରେ ଥିବା ଏକ ଘରୋଇ କମ୍ପାନୀରେ ଡ଼ିଆରଆଇ ପକ୍ଷରୁ ଏହି ଚଢାଉ କରାଯାଇଥିଲା। ହଠାତ୍ ସେହି ସମୟରେ ଝରକା ଦେଇ ବିଡ଼ା ବିଡ଼ା ଟଙ୍କା ତଳକୁ ଫିଙ୍ଗା ଯାଇଥିଲା ଓ ସେହି ଟଙ୍କା ଉଡ଼ି ଆସି ତଳେ ପଡ଼ୁଥିଲା। ଟଙ୍କା ମଧ୍ୟରେ ୧୦୦, ୫୦୦ ଓ ୨୦୦୦ ଟଙ୍କିଆ ମଧ୍ୟ ଥିଲା ବୋଲି ଜଣାପଡ଼ିଥିଲା। ଟଙ୍କା ତଳେ ପଡ଼ିବା ସମୟରେ କିଛି ଲୋକେ ଆଶ୍ଚର୍ଯ୍ୟ ହେବା ସହ ଅନ୍ୟ କେତେକ ଲୋକେ ଟଙ୍କା ଉଠାଇବା ପାଇଁ ବ୍ୟସ୍ତ ହୋଇପଡ଼ିଥିଲେ। ତେବେ ଡ଼ିଆରଆଇ ଯେଉଁ କମ୍ପାନୀରେ ବା କାର୍ଯ୍ୟାଳୟରେ ଚଢାଉ କରିଥିଲା ଓ ତଳେ ଫିଙ୍ଗା ଯାଇଥିବା ଟଙ୍କା ମଧ୍ୟରେ ସମ୍ବନ୍ଧ ରହିଛି କି ନାହିଁ ସେନେଇ ବର୍ତ୍ତମାନ ସୁଦ୍ଧା ସ୍ପଷ୍ଟ ସୂଚନା ମିଳିପାରି ନାହିଁ।
Popular Categories
Previous article
Next article