କର୍ଣ୍ଣାଟକ ରାଜନୀତି: ଶପଥ ନେଲେ ବିଧାୟକ
ବେଙ୍ଗାଲୁରୁ: କର୍ଣ୍ଣାଟକ ବିଧାନସଭାରେ ଆଜି ଅପରାହ୍ଣ ୪ଟା ବେଳେ ବିଜେପି ବିଧାୟକ ଦଳ ନେତା ତଥା ନବନିଯୁକ୍ତ ମୁଖ୍ୟମନ୍ତ୍ରୀ ବି ଏସ୍ ୟେଦୁରପ୍ପା ତାଙ୍କ ଦଳ ପ୍ରତି ସଂଖ୍ୟାଗରିଷ୍ଠତା ସଦସ୍ୟଙ୍କ ସମର୍ଥନ ଥିବାର ପ୍ରମାଣ ଦେବେ। ତା’ ପରେ ପରେ ଆସ୍ଥା ଭୋଟ ଲୋଡ଼ାଯିବ। କେବଳ ବିଧାୟକ ବା ଗୃହର ସଦସ୍ୟମାନେ ହିଁ ଆସ୍ଥା ଭୋଟରେ ଭାଗ ନେଇପାରିବେ। ଯେତେବେଳ ପର୍ଯ୍ୟନ୍ତ ନିର୍ବାଚିତ ଜନପ୍ରତିନିଧି ଭାବେ ଶପଥ ନେଇ ନାହାନ୍ତି ସେତେବେଳ ପର୍ଯ୍ୟନ୍ତ ସେମାନେ ବିଧାୟକ ପଦବାଚ୍ୟ ହେବେ ନାହିଁ। ତେଣୁ ୟେଦୁରପ୍ପାଙ୍କ ଶକ୍ତି ପରୀକ୍ଷା ପୂର୍ବରୁ ନିର୍ବାଚିତ ସଦସ୍ୟମାନେ ଆଜି କର୍ଣ୍ଣାଟକ ବିଧାନସଭାରେ ଶପଥ ନେଇଛନ୍ତି।