ମୁମ୍ବଇ : ଏଥରକ ବିଗ୍ ବି ଅମିତାଭ ବଚ୍ଚନଙ୍କ ଦୀପାବଳି ପାର୍ଟିକୁ ନେଇ ସବୁଠି ଚର୍ଚ୍ଚା। ଦୀପାବଳିର ଦିନ କେଇଟା ପୂର୍ବରୁ ଅମିତାଭ ଅସୁସ୍ଥ ଥିଲେ। ଚିକିତ୍ସାଳୟରୁ ଫେରିବା ପେର ସେ ଆଉ ଅପେକ୍ଷା ନ କରି ତୁରନ୍ତ ଦୀପାବଳି ପାର୍ଟି ଆୟୋଜନରେ ଲାଗିପଡ଼ିଥିଲେ। ପତ୍ନୀ ଜୟା ପରାମର୍ଶ ଦେଇଥିଲେ, ଆସନ୍ତା ବର୍ଷ ଦୀପାବଳି ପାର୍ଟିର ଆୟୋଜନ କରିବା। ଏ ବର୍ଷ ଅମିତାଭ ନିଜ ସ୍ବାସ୍ଥ୍ୟ ପ୍ରତି ଯତ୍ନ ନିଅନ୍ତୁ। ବିଗ୍ ବି କିନ୍ତୁ ବୁଝିନଥିଲେ। ସେ ଜୟାଙ୍କୁ ବୁଝାଇଥିଲେ, ତାଙ୍କ ଯୋଜନାକୁ କାର୍ଯ୍ୟକାରୀ କରାଇବାକୁ ସେ ଚାହୁଁଛନ୍ତି। ଏଥିପାଇଁ ଜୟାଙ୍କର ସହଯୋଗ ନିତାନ୍ତ ଦରକାର। ସ୍ବାମୀଙ୍କର ଏଇ ଇଚ୍ଛାକୁ ଶେଷରେ ଜୟା ସମର୍ଥନ କରି ସମସ୍ତ ଦାୟିତ୍ବ ନେଇଥିଲେ। ବଲିଉଡର ସମସ୍ତ କଳାକାରଙ୍କ ସହ ଶିଳ୍ପପତିମାନଙ୍କୁ ମଧ୍ୟ ଏହି ପାର୍ଟିରେ ନିମନ୍ତ୍ରଣ କରାଯାଇଥିଲା। ଅମିତାଭଙ୍କ ପୁଅ-ବୋହୂ ଅଭିଷେକ-ଐଶ୍ବର୍ଯ୍ୟା ଦୀପାବଳି ପାର୍ଟିର ସମସ୍ତ କାର୍ଯ୍ୟକୁ ଭଲଭାବେ ତୁଲାଇବାରେ ସଫଳ ହୋଇଥିଲେ। ଅନ୍ୟପାଖେ ଅମିତାଭ ନିଜେ ଅତିଥିଙ୍କ ସ୍ବାଗତ କରିବା ସହ ସେମାନଙ୍କୁ ସୁସ୍ବାଦୁ ବ୍ୟଞ୍ଜନ ମଧ୍ୟ ପରଷିଥିଲେ।
Comments are closed.