କଲକାତା: ପଶ୍ଚିମବଙ୍ଗ ପଞ୍ଚାୟତ ନିର୍ବାଚନରେ ଟିଏମସିକୁ ଆଉ ଏକ ସଫଳତା ମିଳିଛି। ୧୯ଟି ଜିଲାରେ ଟିଏମସି ପ୍ରାର୍ଥୀ ଆଗରେ ଥିବାବେଳେ ବିଜେପି ଓ ଅନ୍ୟାନ୍ୟ ଦଳ ଦ୍ୱିତୀୟ ସ୍ଥାନରେ ରହିଛନ୍ତି। ଗୋଟିଏ ପଟେ ଚଳିତ ନିର୍ବାଚନରେ ଲେଫ୍ଟର ଲୋକପ୍ରିୟତା ପୂର୍ବାପେକ୍ଷା କମିଥିବା ଜଣାପଡ଼ିଥିବାବେଳେ କଂଗ୍ରେସର ସ୍ଥିତି ନାମକୁ ମାତ୍ର ପ୍ରମାଣିତ ହୋଇଛି।
୨୪ପରଗନାରେ ୨୨୭ଟି ପଞ୍ଚାୟତ ଆସନରେ ଟିଏମସି ଆଗରେ ରହିଥିବାବେଳେ ୧୮ଟି ଆସନରେ ବିଜେପି ଆଗରେ ରହିଛି।
ପଶ୍ଚିମ ମିଦନାପୁରରେ ଟିଏମସି ୨୩୦ଟି ଆସନରେ ଆଗରେ ଥିବାବେଳେ ବିଜେପି ୪୦ଟି ଆସନରେ ଆଗରେ ରହିଛି।
ପଶ୍ଚିମ ବର୍ଦ୍ଧମାନରେ ୨୮୭ଟି ଆସନରେ ଟିଏମସି ଆଗରେ ରହିଥିବାବେଳେ ବିଜେପି ୧୩ଟି ଆସନରେ ଆଗୁଆ ରହିଛି।
ଝାଡ଼ଗ୍ରାମ ଜିଲାରେ ଟିଏମସି ୧୭୦ଟି ଆସନରେ ଆଗେଇ ଥିବାବେଳେ ବିଜେପି ୫୦ ଓ ଲେପ୍ଟ ୧୩ଟି ଆସନରେ ଆଗୁଆ ରହିଛି।
ପୁରୁଲିଆ ଜିଲାରେ ଟିଏମସି ୨୧୧ଟି ଆସନରେ ଆଗରେ ଥିବାବେଳେ ବିଜେପି ୪୫ଟି ଆସନରେ ଆଗେଇଛି।
