ଜମ୍ମୁ: ଜମ୍ମୁ ଓ କାଶ୍ମୀରର ଅବଶିଷ୍ଟ ଅଞ୍ଚଳରେ ସୋମବାର ମଧ୍ୟାହ୍ନ ୧୨ଟାରୁ ସମସ୍ତ ପୋଷ୍ଟପେଡ୍ ମୋବାଇଲ୍ ଫୋନ୍ ସ୍ୱାଭାବିକ ଭାବେ କାର୍ଯ୍ୟ କରିବ ବୋଲି ଜମ୍ମୁ ଓ କାଶ୍ମୀର ପ୍ରଶାସନ ମୁଖପାତ୍ର ରୋହିତ୍ ବଂଶଲ୍ କହିଛନ୍ତି। ରାଜ୍ୟର ପର୍ଯ୍ୟଟକଙ୍କ ପାଇଁ ଲଗାଯାଇଥିବା କଟକଣା କେନ୍ଦ୍ର ପକ୍ଷରୁ କୋହଳ କରାଯିବା ପରେ ଏହିଭଳି ପଦକ୍ଷେପ ଗ୍ରହଣ କରାଯାଇଛି। ପୂର୍ବରୁ ସ୍କୁଲ୍, କଲେଜ୍ଗୁଡ଼ିକ ପୁନର୍ବାର ଖୋଲା ଯାଇଥିବାବେଳେ ଲ୍ୟାଣ୍ଡଲାଇନ୍ ସେବାକୁ ପୁନଃ କାର୍ଯ୍ୟକ୍ଷମ କରାଯାଇଥିଲା।
ଶ୍ରୀନଗରରେ ସାପ୍ତାହିକ ହାଟରେ ଲାଲ୍ଚୌକ୍ ରୋଡ଼ରେ ଥିବା ସାପ୍ତାହିକ ହାଟରେ ଅନେକ ଦୋକାନ ଖୋଲିଥିବା ବେଳେ ଜନସାଧାରଣଙ୍କର ସେଠାରେ ଭିଡ଼ ପରିଲକ୍ଷିତ ହୋଇଥିଲା। ଶୀତକୁ ଦୃଷ୍ଟିରେ ରଖି ଉପତ୍ୟକାର ବିଭିନ୍ନ ଅଞ୍ଚଳରୁ ଲୋକମାନେ ଶୀତବସ୍ତ୍ର ଓ ଅନ୍ୟାନ୍ୟ ଜିନିଷ କିଣିବାକୁ ଆସିଥିଲେ। ରାମ୍ବନ୍ ଜିଲ୍ଲାରେ ଭୂସ୍ଖଳନ ଯୋଗୁଁ ଦୁଇ ଦିନ ହେଲା ବନ୍ଦ୍ ରହିଥିବା ଜମ୍ମୁ-ଶ୍ରୀନଗର ଜାତୀୟ ରାଜପଥକୁ ରବିବାର ପୁଣି ଖୋଲି ଦିଆଯାଇଛି। ହାଲୁକା ଯାନବାହନଗୁଡ଼ିକ ଉଭୟ ଜମ୍ମୁ ଓ ଶ୍ରୀନଗର ପଟୁ ରାଜପଥରେ ଯାତାୟତ ପାଇଁ ଅନୁମତି ପ୍ରଦାନ କରାଯାଇଛି।
Comments are closed.