ଆବଶ୍ୟକୀୟ ସାମଗ୍ରୀ; କ୍ଷୀର ୧ ଲିଟର, ଚିନି ଦେଢ କପ୍, କାଜୁ ୫୦ ଗ୍ରାମ୍, ଆଲମଣ୍ଡ ୬୦ ଗ୍ରାମ୍, ପିସ୍ତା ବାଦାମ୩୦ ଗ୍ରାମ୍, ପାନମହୁରୀ ୩୦ ଗ୍ରାମ୍, ଚାରୁମଗଜ ୫୦ ଗ୍ରାମ୍, (ଗୁଜୁରାତି, ଅଳେଇଚ ଓ ଡାଲଚିନ ୫ ଗ୍ରାମ) ଏବଂ କେଶର ।
ପ୍ରସ୍ତୁତି ପ୍ରଣାଳୀ: ପ୍ରଥମେ କ୍ଷୀରକୁ ଫୁଟିବା ପାଇଁ ଚୁଲାରେ ବସାଇ ଦିଅନ୍ତୁ । କ୍ଷୀର ଟିକେ ଫୁଟି ଆସିଲେ ସେଥିରେ ଚିନି ଓ କେଶର ପକାଇ ଗୋଳା ଦିଅନ୍ତୁ ।
କ୍ଷୀର ଫୁଟିବା ବେଳେ ଏହି ସମୟରେ ଅନ୍ୟ ସାମଗ୍ରୀକୁ ଗ୍ରାଇଣ୍ଡରରେ ପାଣି ଦେଇ ବାଟି ଦିଅନ୍ତୁ ବା ଶୁଖିଲା ବାଟି ପାଉଡର କରି ଦିଅନ୍ତୁ । ଆପଣ ଚାହିଁଲେ ଏହି ପାଉଡରକୁ ୨ ସପ୍ତାହ ଷ୍ଟୋର କରି ରଖି ପାରିବେ ।
କିଛି ସମୟ କ୍ଷୀର ଫୁଟିଗଲେ ଗ୍ୟାସ୍ ଆଞ୍ଚ କମ୍ କରି ସେଥିରେ ବଟା ଡ୍ରାଏ ଫ୍ରୁଡସ୍ ବା ପାଉଡରକୁ ପକାଇ ଗୋଳାନ୍ତୁ । କମ୍ ଆଞ୍ଚରେ ୧୦ ମିନିଟ୍ ଫୁଟିଲା ପରେ ଗ୍ୟାସ ବନ୍ଦ କରି ଦିଅନ୍ତୁ ।
ଏହାକୁ ଗ୍ଲାସକୁ କାଢି ଆଣି ୧ରୁ ୨ଘଣ୍ଟା ଯାଏଁ ଫ୍ରିଜରେ ରଖି ଦିଅନ୍ତୁ । ଦୁଇ ଘଣ୍ଟା ପରେ ଥଣ୍ଡାଈ ପ୍ରସ୍ତୁତ ହୋଇ ଯାଇଥିବ । ସେଥିରେ ସଜାଇବା ପାଇଁ ଅଳ୍ପ କେଶର ଓ ପିସ୍ତା ବାଦମ ପକାଇ ନିଜେ ପିଅନ୍ତୁ ଓ ଅନ୍ୟକୁ ପିଆନ୍ତୁ ।
