ଡେସ୍କ: ମିଆଁମାରର ସାମରିକ ସରକାର ଦେଶର ସ୍ୱାଧୀନତା ଦିବସ ଅବସରରେ ୯ ହଜାର ୬୫୨ ଜଣ କଏଦୀଙ୍କୁ ମୁକ୍ତ କରିବେ। ଏଥିମଧ୍ୟରେ ୧୧୪ ଜଣ ବିଦେଶୀ କଏଦୀ ମଧ୍ୟ ଅଛନ୍ତି। ମିଆଁମାରର କେନ୍ଦ୍ରୀୟ ପ୍ରଶାସନ ପରିଷଦ ଏକ ଘୋଷଣାରେ କହିଛି ଯେ ଅନ୍ୟ ଦେଶ ସହ ତଥା ମାନବିକତା ଭିତ୍ତିରେ ସମ୍ପର୍କକୁ ସୁଦୃଢ଼ କରିବା ପାଇଁ ସରକାର ଏହି ନିଷ୍ପତ୍ତି ଗ୍ରହଣ କରିଛନ୍ତି।
ମିଆଁମାର ଚଳିତ ବର୍ଷ ଦେଶର ଉତ୍ତର ଭାଗରେ ସଂକଟଜନକ ପରିସ୍ଥିତି ଦେଇ ଗତି କରୁଛି। ସଶସ୍ତ୍ର ଜାତୀୟ ସମୂହ ସମସ୍ତ ସୀମାବର୍ତ୍ତୀ ପ୍ରବେଶ ପଥ କବଜା କରିଥିବାରୁ ଚୀନ୍ ସହିତ ବାଣିଜ୍ୟ ଅବରୋଧ ହେବାର ଆଶଙ୍କା ବୃଦ୍ଧି ପାଇଛି।
ବ୍ରିଟିଶ ଶାସନ କବଳରୁ ସ୍ୱାଧୀନତା ପାଇବା ପରେ ମିଆଁମାର ପ୍ରତିବର୍ଷ ଜାନୁଆରୀ ୪ରେ କିଛି ବନ୍ଦୀଙ୍କୁ ମୁକ୍ତ କରିଥାଏ।
Comments are closed.