ଜଳେଶ୍ଵର : ୨୧ ମାସର ଶିଶୁ ପୁତ୍ରର ବ୍ରେନ୍ ଡେଡ୍ ଘୋଷଣା ପରେ ମହାନତା ଦେଖାଇଛନ୍ତି ପିତାମାତା। ଦୁଃଖରେ ଭାଙ୍ଗିପଡିଛନ୍ତି ସତ , ହେଲେ ନିଜ ପୁଅ ପ୍ରତ୍ୟୁଷ ପାଣିଗ୍ରାହୀର ଅଙ୍ଗଦାନ କରି ଅନ୍ୟ କାହାର ଜୀବନ ରକ୍ଷା କରିଛନ୍ତି। ୨୦୨୨ ଜୁଲାଇରେ ଜନ୍ମ ହୋଇଥିବା ଶିଶୁଟିର ଅନେକ ସ୍ଵାସ୍ଥ୍ୟଗତ ସମସ୍ୟା ସହ ସେ ଅସୁସ୍ଥ ହୋଇପଡିଥିଲା। ସେ ଅନେକ ଥର ହସ୍ପିଟାଲ ଆସିବା ସହ ଚିକିତ୍ସିତ ହୋଇ ପୁଣି ଘରକୁ ଫେରୁଥିଲା। ଶିଶୁଟି ୧୫ ଦିନ ତଳେ ମେନିନଜାଇଟିସ୍ ରେ ଆକ୍ରାନ୍ତ ହୋଇ ହସ୍ପିଟାଲରେ ଭର୍ତ୍ତି ହୋଇଥିଲା। ଆଇସିୟୁରେ ଚିକିତ୍ସିତ ହେଉଥିବା ସମୟରେ ଶନିବାର ସେପ୍ଟିକ୍ ସକ୍ ହେବାପରେ ଶିଶୁଟିକୁ ବ୍ରେନ୍ ଡେଡ୍ ଘୋଷଣା କରାଯାଇଥିଲା। ବାପା ଗୌରୀଶଙ୍କର ପାଣିଗ୍ରାହୀ ଏବଂ ମାଆ ଶର୍ମିଷ୍ଠା ଶିଶୁଟିର ଅଙ୍ଗଦାନ ପାଇଁ ଇଚ୍ଛା ପ୍ରକାଶ କରିଥିଲେ। ଶିଶୁଟିର ଯକୃତକୁ ନୂଆଦିଲ୍ଲୀସ୍ଥିତ ଆଇଏଲବିଏସରେ ଚିକିତ୍ସିତ ହେଉଥିବା ଜଣେ ଶିଶୁର ଶରୀରରେ ପ୍ରତ୍ୟାରୋପଣ ପାଇଁ ପଠାଯାଇଥିବାବେଳେ ଦୁଇଟି ବୃକକକୁ ରାଜଧାନୀର ଏକ ଡାକ୍ତରଖାନାରେ ଅନ୍ୟ ରୋଗୀଙ୍କ ଶରୀରରେ ପ୍ରତ୍ୟାରୋପଣ କରାଯିବ। ଆଜି ସୋରରେ ରାଷ୍ଟ୍ରୀୟ ମର୍ଯ୍ୟାଦାର ସହ ଶେଷକୃତ୍ୟ ହେବା ନେଇ ସୂଚନା ମିଳିଛି।
Popular Categories
Previous article
Next article