ସନ୍ଧ୍ୟା ୬ଟା ମୁଖ୍ୟ ଖବର

୧୦କିଲୋ ୬୦୦ ଗ୍ରାମର ବ୍ରାଉନସୁଗର ଜବତ.. ବାଲେଶ୍ବର ଜିଲା ଫୁଲାଡ଼ି ଅଞ୍ଚଳରୁ ଧରିଲା ସହଦେବଖୁଣ୍ଟା ଥାନା ପୁଲିସ.. ଜବତ ବ୍ରାଉନସୁଗରର ମୂଲ୍ୟ ୧୧କୋଟି ଟଙ୍କା.. ମଧ୍ୟପ୍ରଦେଶର ଜଣେ କିଙ୍ଗପିନ ସମେତ ୬ ଗିରଫ.. ବାହାର ରାଜ୍ୟକୁ ଚାଲାଣ ଯୋଜନା ଥିବା ପୁଲିସର ସୂଚନା..

ଘନଉଛି ପରାଗରେ ବିରିୟାନୀ ଖିଆ ବିବାଦ.. ୨ ହେତୁବାଦୀଙ୍କ ନାଁରେ ମାମଲା.. ହେତୁବାଦୀ ପ୍ରତାପ ରଥ ଓ ଦେବେନ୍ଦ୍ର ସୂତାରଙ୍କ ନାଁରେ  ପୁରୀ ସିଂହଦ୍ବାର ଥାନାରେ ମାମଲା ରୁଜୁ..

କବିସୂର୍ୟ୍ୟନଗର ଥାନା ଅନ୍ତର୍ଗତ ମଧୁରଝୋଳ ଗ୍ରାମରେ ଗୁଣିଗାରେଡ଼ି ନେଇ ହତ୍ୟା ମାମଲା.. ୨୦ ମହିଳା ଓ ୧୩ ପୁରୁଷ ଗିରଫ.. ଗ୍ରାମରେ ୪ ପ୍ଲାଟୁନ୍ ଫୋର୍ସ ମୁତୟନ..

ବର୍ଷା-ଅନୁଭବ ପାରିବାରିକ ବିବାଦ ମାମଲା.. ଅନୁଭବଙ୍କ ପୈତୃକ ଘର ଚାବି ଫେରାଇବାକୁ ବର୍ଷାଙ୍କୁ କୋର୍ଟଙ୍କ ନିର୍ଦ୍ଦେଶ..

ଭଦ୍ରକ ଜିଲ୍ଲା ଧାମନଗର ଉପନିର୍ବାଚନ ଲାଗି ପ୍ରଚାର ସରଗରମ ହୋଇ ଉଠିଛି.. କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ତଥା ବିଜେପିର ବରିଷ୍ଠ ନେତା ଧର୍ମେନ୍ଦ୍ର ପ୍ରଧାନ ଧାମନଗର ଉପ ନିର୍ବାଚନ ପାଇଁ ଆଜିଠାରୁ ଦଳୀୟ ପ୍ରାର୍ଥୀଙ୍କ ସପକ୍ଷରେ ପ୍ରଚାର ଚଳାଇଛନ୍ତି.. ଶ୍ରୀ ପ୍ରଧାନ ଆଜି ଓ ଆସନ୍ତାକାଲି ଦୁଇଦିନ ଧରି ଧାମନଗର ନିର୍ବାଚନ ମଣ୍ଡଳୀର ବିଭିନ୍ନ ପଞ୍ଚାୟତରେ ସୂର୍ୟ୍ୟବଂଶୀ ସୂରଜଙ୍କ ଲାଗି ପଦଯାତ୍ରା କରିବା ସହ ପ୍ରଚାର କରିବେ..

ବ୍ରିଟେନ୍‌‌ ବିଦେଶ ମନ୍ତ୍ରୀ ଜେମ୍ସ କ୍ଲେଭେର୍‌‌ଲି ପ୍ରଥମଥର ପାଇଁ ଆଜିଠାରୁ ସରକାରୀ ଗସ୍ତରେ ଭାରତ ଆସୁଛନ୍ତି.. ସେ ତାଙ୍କ ଭାରତୀୟ ପ୍ରତିପକ୍ଷ ଡକ୍ଟର ଏସ ଜୟଶଙ୍କରଙ୍କୁ ସାକ୍ଷାତ କରି ବ୍ରିଟେନ୍‌‌ ଏବଂ ଭାରତର ସମ୍ପର୍କକୁ ମଜବୁତ କରିବା ପାଇଁ ଆଲୋଚନା କରିବେ..

ଫୁଲବାଣୀ ଓ ପାରଳାଖେମୁଣ୍ଡିରେ କୁହୁଡି.. ୨୩ ସହରରେ ରାତ୍ରି ତାପମାତ୍ରା ୨୦ଡ଼ିଗ୍ରୀ ତଳେ..

ଆଜି ଶାନ୍ତିସ୍ତୂପ ଧଉଳିର ସୁବର୍ଣ୍ଣ ଜୟନ୍ତି, ଯୋଗ ଦେଲେ ଦେଶ ବିଦେଶର ବୌଦ୍ଧ ଧର୍ମଗୁରୁ.. ଧଉଳି ଶାନ୍ତିସ୍ତୂପର ସୁବର୍ଣ୍ଣ ଜୟନ୍ତୀ ସମାରୋହ ଏବଂ ପୂଜା କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଯୋଗଦାନ..

ଭୁବନେଶ୍ୱର : ରାଜ୍ୟରେ ଖସୁଛି ପାରଦ .. ଆରମ୍ଭ ଶୀତର ପ୍ରକୋପ.. ୨୦ ଡିଗ୍ରୀ ତଳେ ୨୩ ସହରର ତାପମାତ୍ରା..

ଆଗାମୀ ୩୦ ଅକ୍ଟୋବର ଯାଏଁ ରାଜ୍ୟରେ ପାଗ ମୁଖ୍ୟତ ଶୁଖିଲା ରହିବାର ସମ୍ଭାବନା ..୩୧ତାରିଖ ବେଳକୁ ଦକ୍ଷିଣ ଓଡ଼ିଶାର ଗଜପତି, ରାୟଗଡା, କୋରାପୁଟ ଏବଂ ମାଲକାନଗିରି ଜିଲ୍ଲାରେ ଗୋଟିଏ ରୁ ଦୁଇଟି ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ସମ୍ଭାବନା

ରାଜ୍ୟ ଗୃହମନ୍ତ୍ରୀମାନଙ୍କ ଚିନ୍ତନ ଶିବିର ବୈଠକକୁ ସମ୍ବୋଧନ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ .. ଦୁଇଦିନ ଧରି ଅନୁଷ୍ଠିତ ହେଉଥିବା ଏହି ଚିନ୍ତନ ଶିବିର ହରିଆନାର ସୁରଜକୁଣ୍ଡଠାରେ ଗତକାଲିଠାରୁ ଆରମ୍ଭ ହୋଇଛି .. ଏହି ବୈଠକରେ ବିଭିନ୍ନ ରାଜ୍ୟର ଗୃହମନ୍ତ୍ରୀ, ମୁଖ୍ୟ ଶାସନ ସଚିବ, ପୁଲିସ୍‌‌ ମହାନିର୍ଦ୍ଦେଶକ, ସିଏପିଏଫ୍‌‌ ଡିଜି ଯୋଗ ଦେଇଛନ୍ତି..

ଭୁବନେଶ୍ବର କଳିଙ୍ଗ ଷ୍ଟାଡିୟମରେ ଆଜିଠାରୁ ଏଫ୍‌ଆଇଏଚ୍‌ ପୁରୁଷ ହକି ଲିଗ୍‌ର ୪ର୍ଥ ସଂସ୍କରଣ ୨୦୨୨-୨୩ ଆରମ୍ଭ..  ଭାରତ ତା’ର ପ୍ରଥମ ମ୍ୟାଚ ନ୍ୟୁଜିଲାଣ୍ଡ ବିପକ୍ଷରେ ଖେଳି ଅଭିଯାନ ଆରମ୍ଭ କରିବ ..

କଟକ ସହରରେ ଆଜିଠାରୁ କାଳୀ ପୂଜା ଭସାଣୀ .. ଭସାଣୀ ପାଇଁ କମିଶନରେଟ ପୁଲିସ ପକ୍ଷରୁ ଟ୍ରାଫିକ କଟକଣା

ପୁଣି ଭିଜିଲାନ୍ସ ଜାଲରେ ଯନ୍ତ୍ରୀ .. ଆୟ ବର୍ହିଭୂତ ସମ୍ପତ୍ତି ଠୁଳ ଅଭିଯୋଗରେ ଭୁବନେଶ୍ବର ଜଳ ପରିମଳ ସର୍କଲର ଅତିରିକ୍ତ ମୁଖ୍ୟ ଯନ୍ତ୍ରୀ ନିହାର ରଂଜନ ଦାସଙ୍କ ଘରେ ଭିଜିଲାନ୍ସ ପକ୍ଷରୁ ଚଢାଉ ..

ଟ୍ୱିଟରର ସିଇଓ ପରାଗ ଅଗ୍ରୱାଲ ଓ ସିଏଫଓ ନେଡ ସଗେଲଙ୍କୁ ବିଦା କଲେ ଏଲନ ମସ୍କ..