ମାଲକାନଗିରି: ଛତିଶଗଡ କାଙ୍କେର ଜିଲ୍ଲାରେ ପୁଲିସ ଏବଂ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି। ପୁଲିସ୍ ଏନକାଉଣ୍ଟରରେ ୩ ମାଓବାଦୀ ମୃତ୍ୟୁବରଣ କରିଥିବା ସୂଚନା ମିଳିଛି। କାଙ୍କେର ଜିଲ୍ଲା କୋଇଲିବେଡା ଜଙ୍ଗଲରେ ମାଓ ଶିବିର ଥିବାର ସୂଚନା ପାଇ ସିଆରପିଏଫ୍ ଏବଂ କାଙ୍କେର ପୁଲିସ୍ ମିଳିତ ଅପରେସନ୍ରେ ଯାଇଥିଲେ। ଏବଂ କୋଇଲିବେଡା ଜଙ୍ଗଲରେ ପୁଲିସ୍- ମାଓବାଦୀ ମୁହାଁମୁହିଁ ହୋଇଥିଲେ। ଉଭୟ ପକ୍ଷରୁ ପ୍ରାୟ ଦୁଇ ଘଣ୍ଟା ଧରି ଗୁଳି ବିନିମୟ ହୋଇଥିଲା। ଏହାପରେ ମାଓବାଦୀମାନେ ଛତ୍ରଭଙ୍ଗ ଦେଇଥିଲେ। ପୁଲିସ୍ ସର୍ଚ୍ଚ ଅପରେସନ୍ ବେଳେ ୩ ମାଓବାଦୀଙ୍କର ମୃତଦେହ ଉଦ୍ଧାର କରିଛି। ଘଟଣାସ୍ଥଳରୁ ବିପୁଳ ପରିମାଣର ମାରଣାସ୍ତ୍ର ମଧ୍ୟ ଜବତ କରାଯାଇଛି। ବର୍ତ୍ତମାନ୍ ସେହି ଅଞ୍ଚଳରେ ସର୍ଚ୍ଚ ଅପରେସନକୁ ଜୋରଦାର କରାଯାଇଛି।
Popular Categories
Previous article
Next article