ରାଉରକେଲା: ଜଣେ ଲୋକୋ ପାଇଲଟଙ୍କୁ ଅପହରଣ କରିବା ପରେ ତାଙ୍କଠାରୁ ଲୁଟ କରିବା ଘଟଣାରେ ରାଉରକେଲା ପୁଲିସ ୩ ଅଭିଯୁକ୍ତଙ୍କୁ ଗିରଫ କରିଛି। ପୁଲିସ ସମସ୍ତଙ୍କୁ ଭୁବନେଶ୍ଵରରୁ ଗିରଫ କରିଥିବା ସୂଚନା ମିଳିଛି। ଲୁଟର ଶିକାର ହୋଇଥିବା ଲୋକୋ ପାଇଲଟ ହେଉଛନ୍ତି ନିହାର ସରକାର। ଗତ ୨୨ ତାରିଖରେ ୩ ଅଭିଯୁକ୍ତ ନିହାରଙ୍କୁ ଅପହରଣ କରିନେଇଥିଲେ। ପରେ ତାଙ୍କୁ ଡରାଇ ଧମକାଇ ତାଙ୍କଠାରୁ ୧ ଲକ୍ଷ ୨୪ ହଜାର ଟଙ୍କା ଲୁଟି ନେଇଥିଲେ। ପରେ ସେମାନେ ନିହାରଙ୍କୁ ଛାଡ଼ି ଦେଇଥିଲେ। ନିହାରଙ୍କଠାରୁ ୟୁପିଆଇ ପିନ୍ କୋଡ୍ ନେଇ ଅଭିଯୁକ୍ତମାନେ ତାଙ୍କ ଆକାଉଣ୍ଟରୁ ଟଙ୍କା ଲୁଟି ନେଇଥିବା ନିହାର ଛେଣ୍ଡ ଥାନାରେ ଅଭିଯୋଗ କରିଥିଲେ। ଏପରି କି ତାଙ୍କଠାରୁ ସୁନା ଚେନ ଏବଂ ଘଣ୍ଟା ମଧ୍ୟ ଅଭିଯୁକ୍ତମାନେ ଲୁଟି ନେଇଥିଲେ। ପୁଲିସ ଘଟଣାର ତଦନ୍ତ କରିବା ସହିତ ଅଭିଯୁକ୍ତମାନଙ୍କୁ ଗିରଫ କରିଛି। ସେମାନଙ୍କଠାରୁ ଅପହରଣରେ ବ୍ୟବହୃତ କାର ଜବତ ହୋଇଛି।
Popular Categories
Previous article
Next article