ଭୁବନେଶ୍ବର: ବୁଧବାର ଓଡ଼ିଶା ଉଚ୍ଚ ମାଧ୍ୟମିକ ଶିକ୍ଷା ପରିଷଦ( ସିଏଚଏସଇ )ର ଯୁକ୍ତ ଦୁଇ ବିଜ୍ଞାନ ପରୀକ୍ଷ ଫଳ ପ୍ରକାଶ ପାଇଛି। ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ପରୀକ୍ଷା ଫଳ ପୁସ୍ତିକା ଉନ୍ମୋଚନ କରି ସମ୍ପୂର୍ଣ୍ଣ ସୂଚନା ଦେଇଛନ୍ତି। ଚଳିତ ବର୍ଷ ୭୦.୨୧ ପ୍ରତିଶତ ଛାତ୍ରଛାତ୍ରୀ ପାସ କରିଛନ୍ତି। +୨ ବିଜ୍ଞାନରେ ମୋଟ ୯୭ ହଜାର ୩୭୭ ଛାତ୍ରଛାତୀ ପରୀକ୍ଷା ଦେଇଥିଲେ। ପାସ କରିଥିବା ଛାତ୍ରଙ୍କ ସଂଖ୍ୟା ୩୮ ହଜାର ୩୦୧ ଜଣ ଯାହାର ପ୍ରତିଶତ ୩୯ ଭାଗ ରହିଛି। ସେହିପରି ଛାତ୍ରୀଙ୍କ ସଂଖ୍ୟା ୩୦ ହଜାର ୭୩ ରହିଛି ଯାହାର ପ୍ରତିଶତ ୩୧ ଭାଗ ରହିଛି ।
ପ୍ରଥମ ଶ୍ରେଣୀରେ ମୋଟ ୨୬ ଶତକଡା ବା ୨୫ ହଜାର ୩୩୯ ଛାତ୍ରଛାତ୍ରୀ ପାସ କରିଛନ୍ତି। ଦ୍ବିତୀୟ ଶ୍ରେଣୀରେ ୨୪ ହଜାର ୨୧୨ ବା ୨୪.୮ ପ୍ରତିଶତ ଛାତ୍ରଛାତ୍ରୀ ପାସ କରିଛନ୍ତି। ସେହିପରି ତୃତୀୟ ଶ୍ରେଣୀରେ ୧୭ ହଜାର ୨୬୮ ଜଣ ଛାତ୍ରଛାତୀ ପାସ କରିଛନ୍ତି। ୯୦ ଶତକଡାରୁ ଉର୍ଦ୍ଧ୍ବ ନମ୍ବର ୧୩୭ ଜଣ ଛାତ୍ରଛାତ୍ରୀ ରଖିଛନ୍ତି। ପାସ ହାରରେ ନୟାଗଡ ଆଗରେ ଅଛି ସର୍ବାଧିକ ୮୫.୫୧% ଭାଗ ରହିଛି । ସେହିପରି ଝାରସୁଗୁଡାରେ ପାସ ହାର ସର୍ବନିମ୍ନ ୪୦.୭୧% ରହିଛି। ୨୦ଟି ଉଚ୍ଚ ମାଧ୍ୟମିକ ସ୍କୁଲରେ ଶତପ୍ରତିଶତ ପିଲା ପାସ କରିଛନ୍ତି। ୫ଟି ସ୍କୁଲରେ ଜଣେ ହେଲେ କେହି ପାସ କରି ନ ଥିବା ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ସୂଚନା ଦେଇଛନ୍ତି।
