ମହାକାଳପଡ଼ା: କେନ୍ଦ୍ରାପଡ଼ା ଜିଲା ମହାକାଳପଡ଼ା ଥାନା ଅନ୍ତର୍ଗତ ଯଅଁରା ଗ୍ରାମରେ ୨ ଦିନ ମଧ୍ୟରେ ୨ ବ୍ୟକ୍ତିଙ୍କ ମୃତ୍ୟୁ ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି। ବୁଧବାର ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଥିବା ବେଳେ ଆଜି ସେହି ଗାଁର ଏକ ପୋଖରୀରୁ ଆଉ ଜଣଙ୍କ ମୃତ ଦେହ ମିଳିଛି।
ସୂଚନା ଅନୁସାରେ, ଗତକାଲି ଯଅଁରା ଗ୍ରାମର ପ୍ରଶାନ୍ତ ସାହୁ(୨୪) ନାମକ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଥିଲା। ବେକରେ ଓଢଣି ବନ୍ଧା ହୋଇ ମୃତଦେହ ଝୁଲୁଥିବା ବେଳେ ତାଙ୍କ ପକେଟରୁ ଏକ କାଗଜ ମିଳିଥିଲା। ଏହାପରେ ମୃତକଙ୍କ ପରିବାର ଲୋକେ ମହାକାଳପଡ଼ା ଥାନାରେ ପୂର୍ବ ରାତିରେ ତାଙ୍କ ସାଥିରେ ଥିବା ସେହି ଗାଁର ଅଶୋକ ପଣ୍ଡା(୪୨)ଙ୍କ ନାଁରେ ଅଭିଯୋଗ କରିଥିଲେ। ମାତ୍ର ଆଜି ମୃତ ପ୍ରଶାନ୍ତଙ୍କ ବାଡ଼ି ପଟେ ଥିବା ଏକ ପୋଖରୀରୁ ଅଶୋକଙ୍କ ମୃତଦେହ ଉଦ୍ଧାର ହୋଇଛି। ଘଟଣାସ୍ଥଳରେ ମହାକାଳପଡ଼ା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
ଦୁଇ ଦିନରେ ଗାଁର ୨ ବ୍ୟକ୍ତିଙ୍କ ମୃତଦେହ ଉଦ୍ଧାର
Popular Categories
Previous article
Next article