୧୨ରୁ ୧୪ ବର୍ଷ ବୟସ ବର୍ଗର ପିଲାଙ୍କୁ ଗତକାଲିଠାରୁ ଆରମ୍ଭ ହୋଇଥିବା ଟିକାକରଣର ଦ୍ଵିତୀୟ ଦିନ ସୁଦ୍ଧା ୮ଲକ୍ଷ ୨୧ ହଜାର ୬୩୮ ଜଣ ପିଲାଙ୍କୁ ପ୍ରଥମ ଡୋଜ୍ କରୋନା ପ୍ରତିଷେଧକ ଟୀକା ଦିଆଯାଇଛି। ଆଜି ଗୋଟିଏ ଦିନରେ ସନ୍ଧ୍ୟା ସୁଦ୍ଧା ୨୨ ହଜାର ୯୦୬ ଜଣଙ୍କୁ ଏହି ଟୀକା ଦିଆଯାଇଥିବା ଜଣାପଡିଛି।
ଏହା ପୂର୍ବରୁ ସ୍ୱାସ୍ଥ୍ୟକର୍ମୀ, ସମ୍ମୁଖ ଯୋଦ୍ଧା ଏବଂ ୬୦ ବର୍ଷରୁ ଅଧିକ ଲୋକମାନଙ୍କୁ ପ୍ରତିଷେଧକମୂଳକ ସ୍ୱତନ୍ତ୍ର କରୋନା ଟିକା ଦିଆଯାଇଛି ଏବଂ ସେମାନଙ୍କ ସଂଖ୍ୟା ୨କୋଟି ୧୫ଲକ୍ଷରୁ ଅଧିକ ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ସୂଚନା ଦେଇଛି। ଏ ପର୍ଯ୍ୟନ୍ତ ଦେଶରେ ସାଧାରଣ କୋଭିଡ୍ ଟିକାକରଣରେ ୧୮୦ କୋଟି ୮୬ ଲକ୍ଷ ଡୋଜ୍ ଟିକା ଦିଆଯାଇଥିବା ଜଣାପଡ଼ିଛି। ବିଶେଷ କରି କରୋନା ଦ୍ୱାରା ସଂକ୍ରମିତ ହେବାକୁ ଥିବା ୧୨ରୁ ୧୪ ବର୍ଷ ବୟସ ବର୍ଗର ପିଲାମାନଙ୍କୁ ଅତି କମ୍ ସମୟ ମଧ୍ୟରେ ଟିକାକରଣ କରିବା ଲାଗି କେନ୍ଦ୍ର ସରକାର ପଦକ୍ଷେପ ନେଉଛନ୍ତି। ଏକ ସମୟରେ ଏହି ବୟସ ବର୍ଗର ପିଲା ଏବଂ ବୁଷ୍ଟର ଡୋଜ୍ ନେଉଥିବା ୬୦ ବର୍ଷରୁ ଅଧିକ ଲୋକମାନଙ୍କୁ ଦିଆଯାଉଥିବା ଟିକା ନେଇ ଅଧିକ ସତର୍କତା ଅବଲମ୍ବନ କରିବାକୁ କୁହାଯାଇଛି।
Comments are closed.