ଗୋଷ୍ଠୀ କନ୍ଦଳକୁ ନେଇ ଡବଲ ମର୍ଡର; ୨ ଗିରଫ

ସମ୍ବଲପୁର:  ଗୋଷ୍ଠୀ କନ୍ଦଳକୁ ନେଇ ସମ୍ବଲପୁରରେ ହୋଇଥିବା ଡବଲ ମର୍ଡର ଘଟଣାରେ ଦୁଇ ଅଭିଯୁକ୍ତଙ୍କୁ ପୁଲିସ ଗିରଫ କରିଛି । ଗିରଫ ଅଭିଯୁକ୍ତ ଦୁଇ ଜଣ ହେଲେ ପାଣ୍ଡବ ମୁଖୀ ଓ ସମ୍ଭୁ ମୁଖୀ । ସୂଚନାଯୋଗ୍ୟ, ଟାଉନ୍ ଥାନା ଅନ୍ତର୍ଗତ ଠେଲକୋପଡ଼ା ଗ୍ରାମରେ ଦୁଇ ଗୋଷ୍ଠୀଙ୍କ ମଧ୍ୟରେ ଗଣ୍ଡଗୋଳ ହେବା ସହ ଜଣେ ଯୁବକଙ୍କୁ ହତ୍ୟା କରାଯାଇଥିଲା। ହତ୍ୟାର ପ୍ରତିଶୋଧ ନେବାକୁ ଅପରପକ୍ଷ ଗୋଷ୍ଠୀର ଶଙ୍କର ମୁଖୀଙ୍କୁ ଆଜି ସକାଳେ ଭୁଜାଲିରେ ଗୋଡାଇ ଗୋଡାଇ ହତ୍ୟା କରାଯାଇଥିଲା। ଏହା ସହ ତାଙ୍କ ଘରକୁ ମଧ୍ୟ ଜାଳି ଦେଇଥିଲେ । ଗାଁରେ ୩ ପ୍ଲାଟୁନ୍ ପୁଲିସ ମୁତୟନ ହୋଇଥିଲା।