ନୂଆଦିଲ୍ଲୀ: ଚଳିତ ବର୍ଷ ଶେଷାର୍ଦ୍ଧରେ ମଧ୍ୟପ୍ରଦେଶରେ ନିର୍ବାଚନ ହେବାକୁ ଯାଉଛି। ଏଭଳି ପରିସ୍ଥିତିରେ ପ୍ରମୁଖ ରାଜନୈତିକ ଦଳର ଚିନ୍ତାର କାରଣ ପାଲଟିଛି ମଧ୍ୟପ୍ରଦେଶର ଭୋଟରଙ୍କ ସଂଖ୍ୟା। କାରଣ ୧୦ବର୍ଷ ମଧ୍ୟରେ ମଧ୍ୟପ୍ରଦେଶର ଜନସଂଖ୍ୟା ୨୪ ପ୍ରତିଶତ ବୃଦ୍ଧି ପାଇଥିବାବେଳେ ଭୋଟର ୪୦ପ୍ରତିଶତ ବଢିଯାଇଛନ୍ତି। କଂଗ୍ରେସ ନିର୍ବାଚନ ପ୍ରଚାର କମିଟି ଅଧ୍ୟକ୍ଷ ଜୋତିରାଦିତ୍ୟ ସିନ୍ଧିଆ ଏଭଳି ରିପୋର୍ଟ ଗଣମାଧ୍ୟମରେ ଉପସ୍ଥାପିତ କରିଛନ୍ତି। ଏଥିପାଇଁ ସିନ୍ଧିଆ ବିଜେପିକୁ ଦାୟୀ କରିଛି। ଜଣେ ଭୋଟରଙ୍କ ନାମରେ ଏକକାଳୀନ ୨୬ଟି ତାଲିକାରେ ସ୍ଥାନିତ ହେବାରୁ ଭୋଟରଙ୍କ ସଂଖ୍ୟା ୪୦ପ୍ରତିଶତକୁ ବୃଦ୍ଧି ପାଇଛି। ସେହପରି ବରିଷ୍ଠ ନେତା କମଲନାଥ ମଧ୍ୟ ମଧ୍ୟପ୍ରଦେଶ ଭୋଟର ତାଲିକାକୁ ନେଇ ସନ୍ଦେହ ପ୍ରକାଶ କରିଛନ୍ତି। ରାଜ୍ୟର ଭୋଟର ତାଲିକାରେ ୬୦ ଲକ୍ଷ ଭୁତ ଭୋଟର ଥିବାର ପ୍ରମାଣ ସେ ନିର୍ବାଚନ ଅଧିକାରୀଙ୍କୁ ପ୍ରଦାନ କରିବେ ବୋଲି ଗଣମାଧ୍ୟମରେ ପ୍ରକାଶ କରିଛନ୍ତି। ମଧ୍ୟପ୍ରଦେଶରେ ୨୩୦ଟି ବିଧାନସଭା ଆସନ ପାଇଁ ଚଳିତ ବର୍ଷର ଶେଷରେ ନିର୍ବାଚନ ହେବାକୁ ଯାଉଛି। ଏଭଳି ପରିସ୍ଥିତିରେ ବିଜେପି ପକ୍ଷରୁ ଏଭଳି ଭୋଟର ଲିଷ୍ଟ ଦ୍ୱାରା ନିର୍ବାଚନକୁ ପ୍ରଭାବିତ କରିବାକୁ ଉଦ୍ୟମ କରାଯାଉଛି ବୋଲି ସେ ମତବ୍ୟକ୍ତ କରିଛନ୍ତି।
Popular Categories
Previous article
Next article