ୟୁପି, ବିହାର ଓ ଝାଡ଼ଖଣ୍ଡରେ ଝଡ଼:୪୩ମୃତ

ନୂଆଦିଲ୍ଲୀ: ଉତ୍ତରପ୍ରଦେଶ, ବିହାର ଓ ଝାଡ଼ଖଣ୍ଡରେ ଝଡ଼ ବର୍ଷା ଓ ବଜ୍ରପାତରେ ୪୩ଜଣଙ୍କ ମୃତ୍ୟୁ ହୋଇଯାଇଛି। ମୃତକଙ୍କ ମଧ୍ୟରେ ୧୩ଜଣ କେବଳ ଉତ୍ତରପ୍ରଦେଶରେ ପ୍ରାଣ ହରାଇଛନ୍ତି। ସେହିପରି ଝାଡ଼ଖଣ୍ଡରେ ୧୭ ଓ ବିହାରରେ ୧୩ଜଣଙ୍କ ମୃତ୍ୟୁ ହୋଇଛି। ମୃତ୍ୟୁର କାରଣ ବଜ୍ରପାତ ବୋଲି କୁହାଯାଉଛି। ପାଣିପାଗ ବିଭାଗ ପକ୍ଷରୁ ପୁଣି ଥରେ ବାରମ୍ଭାକି, କୁଶିନଗର ଓ ଗୋରଖପୁରରେ ପୁଣି ଆଉ ଏକ ଝଡ଼ ପବନର ଚେତାବନୀ ଦିଆଯାଇଛି। ପବନର ବେଗ ୫୦ରୁ ୭୦କିମି ବେଗରେ ବୋହିବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ ପକ୍ଷରୁ ଚେତାବନୀ ଦିଆଯାଇଛି। ଗତ ବର୍ଷ ଝଡ଼ ବର୍ଷାରେ ମୋଟ୍‍ ୧୪୦ଜଣ ପ୍ରାଣ ହରାଇ ଥିଲେ। ପ୍ରଶାସନ ପକ୍ଷରୁ ମୃତକଙ୍କୁ କ୍ଷତିପୂରଣ ପ୍ରଦାନ କରିବାର ଘୋଷଣା କରାଯାଇଛି। ସେହିପରି ବିହାରରେ ମଧ୍ୟ ପାଣିପାଗ ବିଭାଗ ପକ୍ଷରୁ ଝଡ଼ ତୋଫାନର ଚେତାବନୀ ଦିଆଯାଇଛି। ମୁଜଫରପୁର, ସମସ୍ତିପୁରା, ବୈଶାଲି, ପାଟନା ଓ ଦରଭଙ୍ଗା ପ୍ରମୁଖ ଅଞ୍ଚଳରେ ପ୍ରବଳ ବର୍ଷା ସାଙ୍ଗକୁ ଝଡ଼ର ସମ୍ଭାବନା ରହିଥିବା ପାଣିପାଗ ବିଭାଗ ପୂର୍ବାନୁମାନ କରିଛି।