ଇସଲାମାବାଦ : ପୂର୍ବତନ ରାଷ୍ଟ୍ରପତି ପରଭେଜ ମୁଶରଫଙ୍କୁ ସୁରକ୍ଷା ଦେବାକୁ ପାକିସ୍ତାନ ସରକାର ମନା କରିଛନ୍ତି। ମୁଶରଫ ଏବେ ଦୁବାଇରେ ରହୁଥିବାବେଳେ ତାଙ୍କ ବିରୋଧରେ ଦେଶଦ୍ରୋହ ମାମଲା ଚାଲୁ ରହିଛି। ଏହି ଦେଶଦ୍ରୋହ ମାମଲାର ଶୁଣାଣି ଚାଲିଥିବାବେଳେ ତାଙ୍କୁ ଅଦାଲତରେ ହାଜର ହେବାକୁ ନିର୍ଦେଶ ଦେଇଛନ୍ତି। ଅଦାଲତଙ୍କ ନିର୍ଦେଶକ୍ରମେ ଶୁଣାଣି ପାଇଁ ହାଜର ହେବାକୁ ମୁଶରଫ ପାକିସ୍ତାନ ଫେରିବାକୁ ଯୋଜନା କରିଛନ୍ତି। ତେବେ ପାକିସ୍ତାନରେ ତାଙ୍କ ଜୀବନ ପ୍ରତି ବିପଦ ରହିଥିବା ଆଶଙ୍କା କରି ସରକାରଙ୍କ ଠାରୁ ସୁରକ୍ଷା ଲୋଡିଛନ୍ତି। ତେବେ ମୁଶରଫଙ୍କୁ ସୁରକ୍ଷା ଦେବା ଲାଗି ପାକିସ୍ତାନ ପ୍ରତିରକ୍ଷା ମନ୍ତ୍ରୀ ମନା କରିଦେଇଛନ୍ତି। ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ ମୁଶରଫଙ୍କୁ ସୁରକ୍ଷା ଯୋଗାଇ ଦେବା ଆମର କାମ ନୁହେଁ। ମୁଶରଫଙ୍କ ଓକିଲ ଅଖତର ଶାହାଙ୍କ ନିକଟକୁ ପ୍ରତିରକ୍ଷା ମନ୍ତ୍ରଣାଳୟ ଚିଠି ଲେଖି ଏହି ବିଷୟ ଅବଗତ କରିଛି। ଦେଶଦ୍ରୋହ ମାମଲାକୁ ନେଇ ମାର୍ଚ୍ଚ ୧୬ରେ ସ୍ୱତନ୍ତ୍ର ଅଦାଲତ ମୁଶରଫଙ୍କ ପାସପୋର୍ଟକୁ ରଦ୍ଦ କରିଦେଇଛନ୍ତି।
Popular Categories
Previous article
Next article