ନୂଆଦିଲ୍ଲୀ: ତିବ୍ଦତୀୟ ଧର୍ମଗୁରୁ ଦଲାଇଲାମା ଆଗାମୀ ଦିନରେ କମ୍ ବିଦେଶଯାତ୍ରା କରିବେ। ବୟସାଧିକ ଏବଂ କ୍ଲାନ୍ତ ହୋଇପଡିଥିବା କାରଣରୁ ସେ ଏଭଳି ନିଷ୍ପତ୍ତି ନେଇଥିବା ତାଙ୍କ ମୁଖପାତ୍ର ସୋନମ ଡାଗପୋ ପ୍ରକାଶ କରିଛନ୍ତି। ସେ କହିଛନ୍ତି, ଧର୍ମଗୁରୁଙ୍କୁ ବିଭିନ୍ନ ଦେଶରୁ ଆମନ୍ତ୍ରଣ ମିଳୁଛି। କିନ୍ତୁ ଦୀର୍ଘ ଦିନ ଧରି ଧର୍ମ ସମ୍ବନ୍ଧୀୟ ଜ୍ଞାନ ବିତରଣ ନିମନ୍ତେ ବିଦେଶ ଯାତ୍ରୀ ଯୋଗୁ ସେ କ୍ଲାନ୍ତ ହୋଇପଡିଛନ୍ତି। ଏହି କାରଣରୁ ତାଙ୍କ ବିଦେଶଗସ୍ତ ତାଲିକାରେ କାଣ୍ଟଛାଣ୍ଟ କରାଯାଇଛି। ଦଲାଇଲାମାଙ୍କ ସ୍ୱସ୍ଥ୍ୟାବସ୍ଥ ଠିକ୍ ଥିବା ଦର୍ଶାଇବା ସହିତ ଆଗାମୀ ଦିନରେ ଧର୍ମଗୁରୁ କେବଳ ଭାରତର ଆଭ୍ୟନ୍ତରୀଣ ଅଞ୍ଚଳକୁ ଗସ୍ତ କରିବେ ବୋଲି ସୋନମ ସ୍ପଷ୍ଟ କରିଛନ୍ତି। ବହୁ ବର୍ଷ ଧରି ବୌଦ୍ଧ ଧର୍ମ ବିଷୟରେ ବିଶ୍ୱବାସୀଙ୍କୁ ଶିକ୍ଷା ଦେବା ସହିତ ତିବ୍ଦତ୍କୁ ସାଂସ୍କୃତିକ ସ୍ୱାୟତ୍ତତା ପ୍ରଦାନ କରିବା ନିମନ୍ତେ ଚୀନ୍ ଉପରେ ଚାପ ପକାଇବା ଲାଗି ବିଶ୍ୱସ୍ତରୀୟ ନେତାଙ୍କୁ ଦଲାଇଲାମା ନିବେଦନ କରିଆସୁଛନ୍ତି।
Popular Categories
Previous article
Next article