ଏକ ଛୋଟିଆ ଭିଡିଓ କ୍ଲିପ୍ ଜରିଆରେ କୋଟି କୋଟି ଲୋକଙ୍କ ମନ ଜିଣିଥିବା ମାଲାୟଲମ ଅଭିନେତ୍ରୀ ପ୍ରିୟା ପ୍ରକାଶ ଏବେ ଲୋକପ୍ରିୟତାରେ ଫେସ୍ବୁକ୍ ମୁଖିଆ ମାର୍କ ଜୁକରବର୍ଗଙ୍କୁ ପଛରେ ପକାଇଛନ୍ତି। ପ୍ରିୟାଙ୍କ ପ୍ରଥମ ମାଲାୟଲମ ଚଳଚ୍ଚିତ୍ର ‘ଓରୁ ଆଦର ଲଭ’ର ଗୀତ ଭିଡିଓ ମାନିକ୍ୟ ମଲାରାୟ ପୁବି ଭାଇରାଲ ହୋଇଥିଲା। ଦେଖୁ ଦେଖୁ ସୋସିଆଲ ମିଡିଆରେ ପ୍ରିୟାଙ୍କ ଫଲୋଅର୍ସ ସଂଖ୍ୟା ଅହେତୁକ ଭାବେ ବଢ଼ି ଚାଲିଛି। ଫଟୋ ସେୟାରିଂ ଆପ୍ ଇନଷ୍ଟାଗ୍ରାମରେ ଫେସବୁକ୍ ମୁଖ୍ୟ ମାର୍କ ଜୁକରବର୍ଗଙ୍କୁ ପ୍ରିୟା ପଛରେ ପକାଇ ଦେଇଛନ୍ତି। ଇନଷ୍ଟାଗ୍ରାମରେ ପ୍ରିୟାଙ୍କ ଫଲୋଅର୍ସ ସଂଖ୍ୟା ୪.୫ ମିଲିୟନ ଥିବାବେଳେ ଜୁକରବର୍ଗଙ୍କ ମାତ୍ର ୪ ମିଲିୟନ ଫଲୋଅର୍ସ। ସୂଚନାଯୋଗ୍ୟ, ଇନଷ୍ଟାଗ୍ରାମର ମାଲିକାନାସତ୍ତ୍ୱ ଜୁକରବର୍ଗରେ ପାଖରେ ରହିଛି। ସେ ଫେସବୁକ୍ ଓ ଇନଷ୍ଟାଗ୍ରାମ ଭଳି ସାମାଜିକ ଗଣମାଧ୍ୟମରେ ଲୋକପ୍ରିୟ।
