ପିପିଲି: ପିପିଲି ମିଶନ ପଡ଼ିଆଠାରେ ଗୁରୁବାର ସକାଳେ ଆନ୍ତର୍ଜାତିକ ଯୋଗ ଦିବସ ପାଳିତ ହୋଇଛି। ଯୋଗ ମହୋତ୍ସବ ସମିତି, ଓଡ଼ିଶାର ପିପିଲି ଶାଖା ପକ୍ଷରୁ ଆୟୋଜିତ ଏହି ଶିବିରରେ ଯୋଗଗୁରୁ ବଂଶୀଧର ସାହୁ, ଯୋଗ ସଂଯୋଜକ ପ୍ରଭାତ କୁମାର ମହାପାତ୍ର ପ୍ରମୁଖ ଯୋଗଦେଇ ଯୋଗର ଉପକାରିତା ସମ୍ପର୍କରେ କହିଥିଲେ। ବିଭିନ୍ନ ରୋଗର ନିରାକରଣ ନିମନ୍ତେ ବିଭିନ୍ନ ପ୍ରକାର ଯୋଗ ମୁଦ୍ରା ସମ୍ପର୍କରେ ପ୍ରଶିକ୍ଷଣ ପ୍ରଦାନ କରିଥିଲେ। ଏହି ଶିବିରକୁ ଇଂ ରମେଶ ଚନ୍ଦ୍ର ଶତପଥୀ ଉଦ୍ଘାଟନ କରିଥିବା ବେଳେ ଶତାଧିକ ଛାତ୍ରଛାତ୍ରୀ, ବୁଦ୍ଧିଜୀବୀ, ବିଭିନ୍ନ ଅନୁଷ୍ଠାନର ସଦସ୍ୟ ଓ ବରିଷ୍ଠ ନାଗରିକ ଯୋଗ ଦେଇଥିଲେ।
