ପାଟନା: ଗୋ-ଖାଦ୍ୟ ଦୁର୍ନୀତିରେ ଦୁମକା କୋଷାଗାରରେ ହୋଇଥିବା ଦୁର୍ନୀତିର ତଦନ୍ତରେ ବିହାର ପ୍ରାକ୍ତନ ମୁଖ୍ୟମନ୍ତ୍ରୀ ଲାଲୁପ୍ରସାଦ ଯାଦବଙ୍କୁ ଆଜି ମାନ୍ୟବର ଜଜ୍ ଦଣ୍ଡିତ କରିଛନ୍ତି। ରାଞ୍ଚିର ସ୍ୱତନ୍ତ୍ର ସିବିଆଇ କୋର୍ଟ ଶନିବାର ଲାଲୁଙ୍କୁ ୭ ବର୍ଷ ଜେଲ ଓ ୬୦ ଲକ୍ଷ ଜୋରିମାନା ଦଣ୍ଡରେ ଦଣ୍ଡିତ କରିଛନ୍ତି। ଗୋ- ଖାଦ୍ୟ ଦୁର୍ନୀତିରେ ଲାଲୁଙ୍କ ନାମରେ ୪ଟି ମାମଲା ଚାଲିଛି। ସେଥିରୁ ୩ଟି ମାମଲାରେ ଲାଲୁଙ୍କୁ ଦଣ୍ଡିତ କରାଯାଇଛି। ଏଯାବତ୍ ଲାଲୁଙ୍କୁ ସର୍ବାଧିକ ୫ ବର୍ଷ ଜେଲ ଦଣ୍ଡରେ ଦଣ୍ଡିତ କରାଯାଇ ଥିବାବେଳେ ଆଜିର ମାମଲାରେ ତାଙ୍କୁ ୭ବର୍ଷରେ ଦଣ୍ଡିତ କରିଛନ୍ତି। ଏହି ମାମଲାରେ ବିହାରର ପ୍ରାକ୍ତନ ମୁଖ୍ୟମନ୍ତ୍ରୀ ଜଗନ୍ନାଥ ମିଶ୍ରାଙ୍କୁ ପକ୍ଷଭୁକ୍ତ କରାଯାଇ ଥିଲେ ମଧ୍ୟ ବିଚାର ପ୍ରକ୍ରିୟାରେ ପ୍ରମାଣ ଅଭାବରୁ ତାଙ୍କୁ ନିର୍ଦେଶରେ ଖଲାସ କରି ଦିଆଯାଇଛି। ୧୯୯୫ରୁ ୯୬ ମଧ୍ୟରେ ଦୁମକା କୋଷାଗାରରୁ ବେଆଇନ ଭାବରେ ଲାଲୁ ଓ ତାଙ୍କ ସହଯୋଗୀ ମୋଟ୍ ୩କୋଟି ୧୩ ଲକ୍ଷ ଟଙ୍କା ଆତ୍ମସାତ କରିଥିବା ଅଭିଯୋଗ ହୋଇଥିଲା। ଏହି ମାମଲାରେ ଲାଲୁଙ୍କ ସମେତ ୧୯ଜଣଙ୍କୁ ପକ୍ଷଭୁକ୍ତ କରାଯାଇଛି।
