ଅନୁଗୋଳ: ଅନୁଗୋଳ ଜେଏସପିଏଲ୍ ରୁ ପାଉଁଶ ନେଇ ଯାଉଥିବା ଏକ ମାଲବାହୀ ଟ୍ରେନ ଲାଇନ ଚ୍ୟୁତ ହୋଇଛି । ଜିନ୍ଦଲ ଷ୍ଟିଲ ଆଣ୍ଡ ପାୱାର ରେଲୱେ ସାଇଡିଂରୁ ପାଉଁଶ ନେଇ ରାୟଗଡ ସିମେଣ୍ଟ କାରଖାନାକୁ ଯାଉଥିବା ମାଲବାହୀ ଟ୍ରେନର ୬ରୁ ୮ଟି ବଗି ଲାଇନ ଚ୍ୟୁତ ହୋଇଛି । ଅନୁଗୋଳ ଥାନା ଜରସିଂହା ଗ୍ରାମ ମଝିକା ନକଟରେ ଆଜି ଦିନ ୧୦ଟାରୁ ୧୧ଟା ମଧ୍ୟରେ ଏହି ଦୁର୍ଘଟଣା ଘଟିଛି । ଯାହା ଜଣାପଡିଛି ଏହି ଲାଇନ ଚ୍ୟୁତ ଫଳରେ ଘଟଣାସ୍ଥଳରେ ଜଣଙ୍କର ମୃତ୍ୟୁ ଘଟିଛି । ମୃତକ ହେଲେ ଜରଡା ଗ୍ରାମର ବିନୟ ସାହୁ । ବିନୟ ସେହି ଟ୍ରେନରେ ଗାର୍ଡ ଭାବେ କାର୍ଯ୍ୟରତ ଥିଲେ । ତେବେ ଏହି ଦୁର୍ଘଟଣା କିପରି ହେଲା ତାହା ତଦନ୍ତ ପରେ ହିଁ ଜଣାପଡିବ ।
