ନୀଳଗିରି: କୁଲଡିହା ଅଭୟାରଣ୍ୟର ବାଲିଆନାଳ ଗେଟରେ ଉତ୍ତେଜନା ଦେଖିବାକୁ ମିଳିଛି । ଆଜି କୁଲଡିହାର ବନଦେବୀଙ୍କ ବଡପୂଜା ଥିବାରୁ ପ୍ରତ୍ୟେକ ବର୍ଷ ପରି ଚଳିତବର୍ଷ ମଧ୍ୟ ଏହିଦିନ ଠାକୁରାଣୀ ଦର୍ଶନ ପାଇଁ ଜଙ୍ଗଲକୁ ଛଡାଯିବ ବୋଲି ବନବିଭାଗ ଘୋଷଣା କରିଥିଲା। କିନ୍ତୁ ବାଲିଆନାଳ ଗେଟ୍ ଖୋଲା ନଯିବାରୁ ଅଞ୍ଚଳର ଶ୍ରଦ୍ଧାଳୁ ନିରାଶ ହୋଇଥିଲେ। ଏହି ପ୍ରଥାଟି ରାଜଶାସନ ସମୟରୁ ହୋଇଥିବା ଯୋଗୁ ଲୋକଙ୍କ ଧାର୍ମିକ ଭାବନା ଉପରେ କୋଠାରାଘାତ ହୋଇଥିବା ନେଇ ଅଭିଯୋଗ ହୋଇଛି । ଏନେଇ ୨ ହଜାରରୁ ଊର୍ଦ୍ଧ ଭକ୍ତ ଗେଟ୍ ପାଖରେ ଅଟକ ରଖିଛନ୍ତି। ଘଟଣାସ୍ଥଳରେ ଉତ୍ତେଜନା ଲାଗି ରହିଛି ।
