କଳାପଥର : ବାଙ୍କୀ ବ୍ଲକ ଅନ୍ତର୍ଗତ କେନ୍ଦୁପଲ୍ଲୀ ସମବାୟ ସମିତି ପରିସରରେ ଶନିବାର ଧାନ ମଣ୍ଡି ଉଦଘାଟିତ ହୋଇଛି । କାର୍ଯ୍ୟକ୍ରମକୁ କେନ୍ଦୁପଲ୍ଲୀ ପଂଚାୟତ ସରପଞ୍ଚ ପ୍ରଦ୍ୟୁମ୍ନ କୁମାର ସୁବୁଦ୍ଧିଙ୍କ ଉପସ୍ଥିତରେ ବାଙ୍କୀ ନିୟନ୍ତ୍ରିତ ବଜାର କମିଟି ସୋସାଇଟି ସଭାପତି ନିରଞ୍ଜନ ଗୁରୁ ନଡ଼ିଆ ଭାଙ୍ଗି ମଣ୍ଡିକୁ ଉଦଘାଟନ କରିଥିଲେ । ସମିତି ସମ୍ପାଦକ ଧରଣୀଧର ମହାନ୍ତିଙ୍କ ସୂଚନା କ୍ରମରେ ପ୍ରଥମ ଦିବସରେ ପଞ୍ଜିକୃତ ଚାଷୀଙ୍କ ଭିତରୁ ୨୫ ଜଣ ଚାଷୀଙ୍କଠାରୁ ୪୦୦ କୁଇଣ୍ଟାଲ ଧାନ କିଣାଯିବ ବୋଲି ସୂଚନା ମିଳିଛି । ଚାଷୀ ଅଭିମନ୍ୟୁ ସାହୁ ଧୋବେଇ ସାହୁ, ଉଦୟନାଥ ସାହୁ, ସୁଦର୍ଶନ ସାହୁ, ଅନାମ ଚରଣ ସାହୁ, ବସନ୍ତ ସାହୁ ରବିନାରାୟଣ ଖୁଣ୍ଟିଆ, ପ୍ରଫୁଲ ସାହୁ, ମହେଶ୍ୱର ସାହୁ, ସୁରେନ୍ଦ୍ର ଚୌଧୁରୀ ପ୍ରମୁଖ ଯୋଗଦେଇଥିବାବେଳେ ସମିତି ଭାରପ୍ରାପ୍ତ ସମ୍ପାଦକ ପ୍ରତାପ କୁମାର ସାହୁ କାର୍ଯ୍ୟକ୍ରମରେ ସହଯୋଗ କରିଥିଲେ ।
Comments are closed.