ଯୋଡା: ଦୀର୍ଘ ୧୫ଦିନ ହେଲା ହାତୀ ପଲରୁ ବିଚ୍ଛେଦ ହୋଇ ଗୋଟିଏ ଦନ୍ତା ହାତୀ ଚମ୍ପୁଆ ଫରେଷ୍ଟ ରେଞ୍ଜ ଅନ୍ତର୍ଗତ ବୈତରଣ(କ) ସଂରକ୍ଷିତ ଜଙ୍ଗଲ ନିକଟସ୍ଥ ଝରଣ ଜଙ୍ଗଲରେ ଏକୁଟିଆ ଅବସ୍ଥାନ କରୁଥିବାର ଜଣାପଡିଛି। ଦନ୍ତାଟି କୌଣସି କାରଣରୁ ଗୁରୁତର ଆହତ ହୋଇ ଚଲାବୁଲା କରି ପାରୁ ନଥିବା ଜଣା ପଡିଛି। ଦନ୍ତା ହାତୀଟିର ଡାହାଣ ପଟ ଗୋଡର ଉପରି ଭାଗରେ ଗଭୀର କ୍ଷତ ସୃଷ୍ଟି ହୋଇ କ୍ରମଶଃ ସଂକ୍ରମିତ ହେବାରେ ଲାଗିଛି। ଏହି ଖବର ଜାଣିବା ପରେ ଚମ୍ପୁଆ ଫରେଷ୍ଟ ରେଞ୍ଜର ଘନଶ୍ୟାମ ବାରିକଙ୍କ ନେତୃତ୍ୱରେ ଯୋଡା ପଶୁ ଡାକ୍ତରଖାନାର ଡାକ୍ତର ମାଧବ ଚୌଧୁରୀ ହାତୀଟିକୁ ଠାବ କରିଥିଲେ ମଧ୍ୟ ଭୟରେ ତା ନିକଟକୁ ଯାଇପାରି ନଥିଲେ। ହାତୀଟିର କ୍ଷତ ଦିନକୁ ଦିନ ବୃଦ୍ଧି ପାଇବା ସହ ସେ ଅସୁସ୍ଥ ହୋଇ ଯାଉଛି। ବର୍ଷା ଋତୁରେ କ୍ଷତଟି ଗୁରୁତର ରୂପେ ସଂକ୍ରମିତ ହେଉଥିବାରୁ ତୁରନ୍ତ ଚିକିତ୍ସା ନ ପାଇଲେ ହାତୀଟି ଦୁର୍ବଳ ହୋଇ ମୃତ୍ୟୁ ମୁଖରେ ପଡିବାର ସମ୍ଭାବନା ଦେଖାଦେଇଛି। ଯୋଡ଼ା ବନବିଭାଗ ପକ୍ଷରୁ ହାତୀ ଉପରେ ନିସ୍ତେଜକ ଗୁଳିମାଡ଼ କରାଯାଇ ଚିକିତ୍ସା କରିବାର ଯୋଜନା କରାଯାଇଛି।
Popular Categories
Previous article
Next article