ରାଉରକେଲା: ରାଉରକେଲା କୁଆଁରମୁଣ୍ଡାବ୍ଲକର ଜଗଦୀଶପୁରରେ ଜଣେ ଯୁବକଙ୍କୁ ପଥର ଛେଚି ହତ୍ୟା କରାଯାଇଥିବା ଅଭିଯୋଗ କରାଯାଇଛି । ଅର୍ବିସ୍ ଏକ୍କା ନାମକ ଯୁବକ ଜଣେ ଯୁବତୀଙ୍କୁ ଏକ ତରଫା ପ୍ରେମ କରୁଥିଲେ ।ଏଥିପାଇଁ ଯୁବତୀଙ୍କ ପରିବାର ଲୋକ ତାଙ୍କୁ ଆକ୍ରମଣ କରିଥିଲେ ।
ପରେ ଯୁବତୀଙ୍କ ବିବାହ ଅନ୍ୟତ୍ର ହେଉଥିଲା । ଏହାର ଖବର ପାଇଁ ଯୁବକ ଜଣଙ୍କ ଯୁବତୀଙ୍କ ଘରେ ପହଞ୍ଚିଥିଲେ । ତାଙ୍କୁ ଯୁବତୀଙ୍କ ପରିବାର ଲୋକ ପିଟା ପିଟି କରିବା ସହ ପଥର ଛେଚି ମାରିଦେଇଥିବା ଅଭିଯୋଗ ହୋଇଛି । ପୁଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରିବା ସହ ତଦନ୍ତ ଆରମ୍ଭ କରିଛି ।