ବିବାହର ପ୍ରଲୋଭନ ଦେଖାଇ ଦୁଷ୍କର୍ମ, ଅଭିଯୁକ୍ତ ଗିରଫ

କଟକ :  ଏକ ଘରୋଇ ସଂସ୍ଥାରେ କାର୍ଯ୍ୟ କରୁଥିବା ଜଣେ ଯୁବତୀଙ୍କୁ ବିବାହର ପ୍ରଲୋଭନ ଦେଖାଇ ଦୁଷ୍କର୍ମ ଅଭିଯୋଗ ହୋଇଛି । ପୀଡ଼ିତା ଜଣକ ଗର୍ଭବତୀ ହେବା ପରେ ବଳପୂର୍ବକ ଗର୍ଭପାତ କରାଇଥିଵା ନେଇ ପୁରୀଘାଟ ଥାନାରେ ଅଭିଯୋଗ ହୋଇଛି l ଏହି ଆଧାରରେ ପୁଲିସ ମାମଲା ରୁଜୁକରି ଘଟଣାର ତଦନ୍ତ ଚଳାଇବା ସହିତ ବୁଧବାର  ଅଭିଯୁକ୍ତକୁ ଗିରଫ କରିଛି l ଅଭିଯୁକ୍ତ ଜଗତସିଂହପୁର ଜିଲା ଅଭୟଚାନ୍ଦପୁର ଥାନା ନୂଆଗାଁର ଲିପୁନ ଖୁଣ୍ଟିଆକୁ ପୁଲିସ୍ ଗିରଫ କରିଛି । ଘଟଣା ଅନୁସାରେ ପିଡ଼ୀତା ଜଣକ ବାଲେଶ୍ବର ଜିଲାର । ସେ କଟକରେ ରହି ଏକ ଘରୋଇ ସଂସ୍ଥାରେ କାମ କରନ୍ତି । ଗତ ୩ ବର୍ଷ ହେବ ଅଭିଯୁକ୍ତ ଲିପୁନ ପିଡ଼ୀତାଙ୍କ ସମ୍ପର୍କରେ ଆସିଥିଲା । ଏହାପରେ ଅଭିଯୁକ୍ତ ବିବାହର ପ୍ରଲୋଭନ ଦେଖାଇ ସମ୍ପର୍କ ଯୋଡ଼ିଥିଲା । ଗତ ୩ ବର୍ଷ ଭିତରେ ଲିପୁନ ପିଡ଼ୀତାଙ୍କୁ ବିଭିନ୍ନ ସ୍ଥାନକୁ ନେଇ ଶାରୀରିକ ସମ୍ପର୍କ ରଖିଥିଲା । ଏହାପରେ ବିବାହ କରିବାକୁ ମନା କରିଦେବାରୁ ପୀଡ଼ିତା ଏନେଇ ପୁରୀଘାଟ ଥାନାରେ ଅଭିଯୋଗ କରିଥିଲେ ।