ନୂଆଦିଲ୍ଲୀ : ଦେଶରେ ଇଲେକ୍ଟ୍ରିକ୍ ଦୁଇଚକିଆ ଯାନର ଚାହିଦା ଧିରେ ଧିରେ ବଢୁଛି । ଦୁଇଚକିଆ ଇଭିର ଦାମ୍ ୭୦-୮୦ ହଜାର ଟଙ୍କାରୁ ଆରମ୍ଭ ହେଉଛି । ଏଭଳି କ୍ଷେତ୍ରରେ ଇଲେକ୍ଟ୍ରିକ୍ ସାଇକେଲ ମଧ୍ୟ ଭଲ ବିକଳ୍ପ ସାଜିଛି । ୟାମାହା ଏକ ଇଲେକ୍ଟ୍ରିକ୍ ସାଇକେଲ ବଜାରକୁ ନେଇଆସିଛି । କମ୍ପାନୀ ଏହାର ଭିନ୍ନ ଭିନ୍ନ ମଡେଲ ବଜାରକୁ ନେଇଆସିଛି । ଏହାର ଦାମ୍ ୪୦ ହଜାର ଟଙ୍କାରୁ ଆରମ୍ଭ ହେଉଛି ।
ଇଭି ବାଇକ୍ ଓ ସ୍କୁଟର ଭଳି ଇ-ସାଇକେଲରେ ମଧ୍ୟ କମ୍ପାନୀ ଅନେକ ଅଫର ଦେଉଛି । ଏହା ସହିତ ବ୍ୟାଙ୍କର ଲୋନ୍ ସୁବିଧା ମଧ୍ୟ ମିଳୁଛି । ଆପଣ ଏହି ଇଲେକ୍ଟ୍ରିକ୍ ସାଇକେଲକୁ ମାତ୍ର ୫୦୦ ଟଙ୍କା ଡାଉନପେମେଣ୍ଟ ଦେଇ କିଣିପାରିବେ । ଏହା ପରେ ଆପଣ ପ୍ରତି ମାସିକ କିସ୍ତି ଭରିପାରିବେ । ଯଦି ଆପଣ ଚାହିଁବେ ତେବେ ଅଧିକ ଡାଉନପେମେଣ୍ଟ ମଧ୍ୟ ଦେଇପାରିବେ ।
ଏଥିରେ ଟିଏଫଟି ଡିସପ୍ଲେ, ଡିଜିଟାଲ ଇନଷ୍ଟ୍ରୁମେଣ୍ଟ କଲେକ୍ଟର, ୟୁଏସବି ଚାର୍ଜିଂ ପୋର୍ଟ, କନଫର୍ଟେବଲ ଓ ଆଡଜେଷ୍ଟେବଲ ସିଟ୍, ଡିସ୍କ ବ୍ରେକ୍, ଫାଷ୍ଟ ଚାର୍ଜିଂ ସପୋର୍ଟ, ହେଡଲାଇଟ ରିଫ୍ଲେକ୍ଟର ଭଳି ଅନେକ ଫିଚର୍ ରହିଛି । ତେବେ ମଡେଲ ଅନୁସାରେ ଏହି ଫିଚର ଭିନ୍ନ ରହିବ । ଏହାକୁ ଫୁଲ ଚାର୍ଜ କଲେ ୮୦ କିଲୋମିଟର ଯାତ୍ରା କରିହେବ । କମ୍ପାନୀ ବ୍ୟାଟେରୀ ଉପରେ ୪ ବର୍ଷର ଓ୍ବାରେଣ୍ଟି ଦେଉଛି ।
