ସୁଆଣ୍ଡୋ : ପୁରୀ ଜିଲା କୃଷି ମଣ୍ଡଳ ପକ୍ଷରୁ ସାକ୍ଷୀଗୋପାଳ ସରକାରୀ କୃଷି ଫାର୍ମ ପରିସରରେ ମଙ୍ଗଳବାର ବିଶ୍ୱ ମୃତ୍ତିକା ଦିବସ ଅନୁଷ୍ଠିତ ହୋଇଯାଇଛି। ୨୦୧୫ ମସିହା ଠାରୁ ମାଟିର ସ୍ୱାସ୍ଥ୍ୟ ପରୀକ୍ଷା କରିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ଏହି କାର୍ଯ୍ୟକ୍ରମ ସାରା ଦେଶରେ ଡିସେମ୍ବର ପାଞ୍ଚ ତାରିଖରେ ସରକାରୀ ସ୍ତରରେ ପାଳନ କରାଯାଉଛି। ଏହି ପରିପ୍ରେକ୍ଷୀରେ ଅନୁଷ୍ଠିତ କାର୍ଯ୍ୟକ୍ରମରେ ଡେପୁଟି ଡାଇରେକ୍ଟର ଚନ୍ଦ୍ରଶେଖର ରାଓ, ମୃତ୍ତିକା ବିଶେଷଜ୍ଞ ସୁନିତା ମିଶ୍ର, ଟେକନିକାଲ ଅଫିସର ପ୍ରସନ୍ନ ସାମନ୍ତ, ଜିଲା କୃଷି ଅଧିକାରୀ ଅଜୟ ବେହେରା, ନୋଡାଲ ଅଫିସର ବିଜୟ କେତନ ସାହୁ, କୃଷି ବିଜ୍ଞାନୀ ଦୀପଶିଖା ପରମଜିତ, ଆତ୍ମା ସଭାପତି ବେବିଲାଲ ମିଶ୍ର ପ୍ରମୁଖ ମୃତ୍ତିକା ପରୀକ୍ଷା କରିବା ପାଇଁ ଉପସ୍ଥିତ ଅଗ୍ରଣୀ ଚାଷୀମାନଙ୍କୁ ପରାମର୍ଶ ଦେଇଥିଲେ । ସମିତି ଅଧ୍ୟକ୍ଷା ସସ୍ମିତା ପ୍ରଧାନ ଓ ଜିଲାପରିଷଦ ସଭ୍ୟ ପ୍ରହଲାଦ ଘଟୁଆରୀ, ଧୃବଚରଣ ଦାଶ, ସୁନୀଲ ପଣ୍ଡା ପୁରୀ, ରେଡିଓ କେନ୍ଦ୍ର ମୁଖ୍ୟ ଅଭୟ ଦାଶ ପ୍ରମୁଖ ଉପସ୍ଥିତ ରହିଥିଲେ ।
