କାଟୁନାଏକେ (ଶ୍ରୀଲଙ୍କା) : ଘରୋଇ ଶ୍ରୀଲଙ୍କା ମହିଳା କ୍ରିକେଟ୍ ଦଳକୁ ପ୍ରଥମ ଟ୍ୱେଣ୍ଟି୨୦ ମ୍ୟାଚ୍ରେ ୧୩ ରନ୍ରେ ପରାସ୍ତ କରିଛି ଭ୍ରମଣକାରୀ ଭାରତ।
ଟସ୍ରେ ଜିତି ଶ୍ରୀଲଙ୍କା ଦଳ ପ୍ରଥମେ ବ୍ୟାଟିଂ କରିବାକୁ ଭାରତକୁ ଆମନ୍ତ୍ରଣ କରିଥିଲା। ଭାରତୀୟ ଦଳ ୨୦ ଓଭରରେ ୮ ୱିକେଟ୍ ହରାଇ ୧୬୮ ରନ୍ ସଂଗ୍ରହ କରିଥିଲା। ଦଳ ତରଫରୁ ତାନିଆ ଭାଟିଆ ୩୫ଟି ବଲ୍ରୁ ୬ଟି ଚୌକା ଓ ୧ଟି ଛକା ସହାୟତାରେ ସର୍ବାଧିକ ୪୬, ଜେମିମା ରୋଡ୍ରିଗେଜ୍ ଓ ଅନୁଜା ପାଟିଲ୍ ୩୬ ରନ୍ ଲେଖାଏଁ ସ୍କୋର କରିଥିଲେ। ମିତାଲି ରାଜ୍ ୧୭ ରନ୍ କରିଥିବା ବେଳେ ବେଦା କ୍ରିଷ୍ଣମୂର୍ତ୍ତି ୧୫ଟି ବଲରୁ ୨ଟି ଚୌକା ଓ ୧ଟି ଛକା ସହାୟତାରେ ୨୧ ରନ୍ କରି ଅପରାଜିତ ରହିଥିଲେ। ଜବାବରେ ଶ୍ରୀଲଙ୍କା ଦଳ ବ୍ୟାଟିଂ କରି ୧୯.୩ ଓଭରରେ ୧୫୫ ରନ୍ ସଂଗ୍ରହ କରିବାକୁ ସକ୍ଷମ ହୋଇଥିଲା। ଦଳ ତରଫରୁ କୌଶଲ୍ୟା ୫ଟି ଚୌକା ଓ ୧ଟି ଛକା ସହାୟତାରେ ସର୍ବାଧିକ ୪୫ ରନ୍ କରିଥିବା ବେଳେ ବିୱାଇଏ ମେଣ୍ଡିସ୍ ୧୨ଟି ବଲ୍ରୁ ୫ଟି ଚୌକା ଓ ୨ଟି ଛକା ସହାୟତାରେ ୩୨, ଅଧିନାୟିକା ଜୟାନ୍ଗାନି ୫ଟି ଚୌକା ସହାୟତାରେ ୨୭ ରନ୍ କରିଥିଲେ। ଭାରତ ପକ୍ଷରୁ ପୁନମ ଯାଦବ ୪ଟି ୱିକେଟ୍ ଅକ୍ତିଆର କରିଥିଲେ।
ମହିଳା ଟ୍ୱେଣ୍ଟି-୨୦ : ଶ୍ରୀଲଙ୍କାକୁ ୧୩ ରନ୍ରେ ପରାସ୍ତ କଲା ଭାରତ
Popular Categories
Previous article
Next article