ଜଂହାପଙ୍କ: ମଦ ପିଇବା ପାଇଁ ସ୍ତ୍ରୀ ଟଙ୍କା ନ ଦେବାରୁ ଏଥିରେ ରାଗିଯାଇ ସ୍ବାମୀ ଆତ୍ମହତ୍ୟା କରିଛନ୍ତି। ଏଭଳି ଏକ ଅଭାବନୀୟ ଘଟଣାକୁ ନେଇ ବୌଦ୍ଧ ଅଞ୍ଚଳରେ ଚର୍ଚ୍ଚା ଜୋର ଧରିଛି।
ବୌଦ୍ଧ ଥାନା ଅନ୍ତର୍ଗତ ତେଲିବନ୍ଧ ଗ୍ରାମର ବେଣୁ ବେଜୀ ଆଜି ଆତ୍ମହତ୍ୟା କରିଥିବା ସୂଚନା ମିଳିଛି। ପୁଲିସର ସୁଚନା ଅନୁଯାୟୀ ଆଜି ପୂର୍ବାହ୍ନରେ ବେଣୁ ମଦ ପିଇବାକୁ ସ୍ତ୍ରୀଙ୍କୁ କିଛି ଟଙ୍କା ମାଗିଥିଲେ। କିନ୍ତୁ ବାରମ୍ବାର ମଦ ପିଉଥିବାରୁ ସ୍ତ୍ରୀ କୁଆଡେ ବେଣୁକୁ ଟଙ୍କା ନ ଦେଇ ଘରୁ ଅନ୍ୟତ୍ର ଚାଲିଯାଇଥିଲେ। ଏଥିରେ ରାଗିଯାଇ ବେଣୁ ରାଗିଯାଇ ନିକଟସ୍ଥ ଝରିଆକୁ ଯାଇ ଆତ୍ମହତ୍ୟା ପାଇଁ ଉଦ୍ୟମ କରିଥିଲେ। କିଛି ଯୁବକ ଦେଖିଦେବାରୁ ସେଠାରୁ ବେଣୁଙ୍କୁ ଆଣି ଘରେ ଛାଡ଼ି ଦେଇଥିଲେ। ଘରେ ସ୍ତ୍ରୀ ଓ ଏକମାତ୍ର ପୁଅ ନଥିବାରୁ ଏହାର ସୁଯୋଗ ନେଇ ବେକରେ ଦଉଡି ଦେଇ ବେଣୁ ଆତ୍ମହତ୍ୟା କରିଥିଲେ। ପାଖରେ ଥିବା କିଛି ଲୋକ କବାଟ ବନ୍ଦଥିବା ଦେଖି କବାଟ ବାଡେଇ ଥିଲେ। କବାଟ ନଖୋଲିବାରୁ ଜଂହାପଙ୍କ ଫାଣ୍ଡି ଅଧିକାରୀଙ୍କୁ ଖବର ଦେଇଥିଲେ। ପୁଲିସ ଉପସ୍ଥିତରେ କବାଟ ଭାଙ୍ଗି ବେଣୁଙ୍କୁ ଉଦ୍ଧାର କରି ୧୦୮ ଯୋଗେ ବୌଦ୍ଧ ଡାକ୍ତରଖାନା ନିଆଯାଇଥିଲା । ଡାକ୍ତର ସେଠାରେ ତାଙ୍କୁ ଡାକତର ମୃତ ଘୋଷଣା କରିଥିଲେ। ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା। ସ୍ଥାନୀୟ ଶ୍ମଶାନରେ ତାଙ୍କର ଶେଷ କୃତ୍ୟ କରାଯାଇଥିଲା।ଏକମାତ୍ର ପୁଅ ପ୍ରଦୀପ ବେଜୀ ମୁଖାଗ୍ନି ଦେଇଥିଲେ।
Comments are closed.