ନୂଆଦିଲ୍ଲୀ : ବର୍ତ୍ତମାନ ଶୀତ, ବର୍ଷା ଏବଂ ତୁଷାରପାତରୁ ମୁକ୍ତି ମିଳିବ ନାହିଁ। ଭାରତ ପାଣିପାଗ ବିଭାଗ ଅନୁଯାୟୀ,ଆଉ ଏକ ପଶ୍ଚିମା ଝଡ ଫେବ୍ରୁଆରୀ ୮ ତାରିଖ ରାତିରୁ ଉତ୍ତର ପଶ୍ଚିମ ଭାରତ ଉପରେ ପ୍ରଭାବ ପକାଇପାରେ । ଫେବ୍ରୁଆରୀ ୯ ରେ ଦିଲ୍ଲୀ ରେ ପାଗ ମେଘୁଆ ସହ ହାଲୁକା ବର୍ଷା ହେବାର ସମ୍ଭାବନା ରହିଛି। ପଶ୍ଚିମା ଝଡ ଶୀତ ଦିନେ ବର୍ଷା ହେବାର କାରଣ । ଏହା ଶୀତରେ ବର୍ଷା ଆଣିଥାଏ । ପଶ୍ଚିମା ଝଡ ପ୍ରଭାବରେ ଗତ ସପ୍ତାହରେ ଦିଲ୍ଲୀରେ ବର୍ଷା, ମେଘ ଏବଂ ତାପମାତ୍ରା ହ୍ରାସ ହୋଇଥିଲା।
ସୋମବାର ଆଇଏମଡି ପକ୍ଷରୁ ମିଳିଥିବା ସୂଚନା ଅନୁଯାୟୀ, ଆସନ୍ତା ଦୁଇ ଦିନ ମଧ୍ୟରେ ଉତ୍ତର-ପଶ୍ଚିମ ଭାରତର କିଛି ଅଂଶରେ ସର୍ବନିମ୍ନ ତାପମାତ୍ରା ୨ ରୁ ୪ ଡିଗ୍ରୀ ବୃଦ୍ଧି ପାଇବାର ସମ୍ଭବାନା ରହିଛି। ସପ୍ତାହରେ ସର୍ବାଧିକ ତାପମାତ୍ରା ୧୯ ଡିଗ୍ରୀରୁ ୨୫ ଡିଗ୍ରୀ ସେଲସିୟସ ମଧ୍ୟରେ ରହିବ ବୋଲି ଆଶଙ୍କା କରାଯାଉଛି। ସୋମବାର ସକାଳ ୮.୩୦ ରେ ତାପମାତ୍ରା ୧୧.୮ ଡିଗ୍ରୀ ସେଲସିୟସ ରେକର୍ଡ କରାଯାଇଥିଲା।
Comments are closed.