କେବଳ ଉତ୍ତମ ରୋଗପ୍ରତିରୋଧକ ଶକ୍ତି ଥିଲେ ହିଁ ଆପଣ କରୋନା ରୋଗକୁ ହରାଇ ପାରିବେ। ସତର୍କ ରହିବା ସହ ଖାଦ୍ୟପାନୀୟ ବାବଦରେ ସତର୍କତା ଅବଲମ୍ବନ କରିବା ଜରୁରୀ ବୋଲି ଖାଦ୍ୟ ବିଶେଷଜ୍ଞଙ୍କ ପ୍ରଥମ ଉପଦେଶ।
- ଅଲିଭ ତେଲ ପରିବର୍ତ୍ତେ ପ୍ରତ୍ୟେକ ସୋରିଷ ତେଲ, ନଡ଼ିଆ ତେଲ ରନ୍ଧା ଖାଦ୍ୟ ଖାଇବା ଉପରେ ଗୁରୁତ୍ବ ଦିଅନ୍ତୁ। ସୋରିଷ ତେଲରେ ଥିବା ପୋଷକତତ୍ତ୍ବ ଶରୀରକୁ ଶକ୍ତି ଯୋଗାଏ ଓ ଥଣ୍ଡା, ସର୍ଦି ସହଜରେ ହୋଇନଥାଏ।
- ଏଇ ସମୟରେ ସତର୍କ ରହିବା ଉଚିତ। ଏଣୁ ରେସ୍ତୋରାଁରୁ ଖାଦ୍ୟ ବରାଦ୍ କରି ଖାଆନ୍ତୁ ନାହିଁ। ବରଂ ଘରେ ନିଜେ ବିଭିନ୍ନ ପ୍ରକାରର ବ୍ୟଞ୍ଜନ ପ୍ରସ୍ତୁତ କରି ସପରିବାର ଖାଇବାର ମଜା ନିଅନ୍ତୁ।
- ପ୍ରୋଟିନ୍, ଭିଟାମିନ୍ ଥିବା ଖାଦ୍ୟ ଯେପରି ଛେନା, ସବୁଜ ପନିପରିବା, ସାଲାଡ୍ ଇତ୍ୟାଦି ଖାଇବା ଉପରେ ଗୁରୁତ୍ବ ଦେବା ଜରୁରୀ। ଆମିଷ ଭୋଜନ ଖାଇବା ମଧ୍ୟ ଶରୀର ପାଇଁ ଭଲ।
- ପ୍ରତିଦିନ ରାତିରେ ହଳଦୀ ଖିର ନିଶ୍ଚୟ ପିଇବାର ଅଭ୍ୟାସ ରଖନ୍ତୁ। ଖାଦ୍ୟ ବିଶେଷଜ୍ଞ ରୁଜୁତା ଦିୱେକର୍ଙ୍କ ମତରେ ଖୁବ୍ ସହଜରେ ଏହି ହଳଦୀ ଖିର ପ୍ରସ୍ତୁତ କରନ୍ତୁ। ପ୍ରଥମେ ଗୋଟିଏ ପାତ୍ରରେ ଅଳ୍ପ ପାଣି ନେଇ ସେଥିରେ ଅଳ୍ପ ଶୁଣ୍ଠି ପକାଇ ଫୁଟାଇବେ। କିଛି ସମୟ ପରେ ଅଧ ଚାମଚ ଶୁଦ୍ଧ ହଳଦୀ ଓ ଦେଢ଼ କପ୍ ଖିର ମିଶାଇ ଭଲରେ ଫୁଟାଇ ଚୁଲା ବନ୍ଦ କରିବେ। ଖିରକୁ ନଖଉଷୁମ କରି ପିଅନ୍ତୁ। ଏହା ଶରୀର ପାଇଁ ମହୌଷଧି ପରି କାମ କରିଥାଏ।
- ପାଣି ପିଇବାରେ ହେଳା କରନ୍ତୁ ନାହିଁ। ଏହା ସହ ନିଶାସେବନ ଏଇ ସମୟରେ ସମ୍ପୂର୍ଣ୍ଣ ଭାବେ ବନ୍ଦ କରିବା ଉଚିତ। ବ୍ୟାୟାମ, ଯୋଗାଭ୍ୟାସକୁ ନିଜ ଦୈନନ୍ଦିନ ଜୀବନରେ ସାମିଲ କରାଇବା ଉଚିତ। n
