ଗୁଣୁପୁର: ମୁଣ୍ଡ ଉପରେ ଡ଼ହଡ଼ହ ଖରା ସାଙ୍ଗକୁ ଅସହ୍ୟ ଗୁଳୁଗୁଳି । ଏଭଳି ସ୍ଥିତିରେ ତୃଷ୍ଣା ମେଣ୍ଟାଇବା ପାଇଁ ପାଣିର ଆବଶ୍ୟକତା ରହିଥିବା ବେଳେ ଉତ୍କଟ ପାନୀୟ ଜଳ ସମସ୍ୟାରେ ଘାଣ୍ଟି ହେଉଛନ୍ତି ଗୁଣୁପୁର ପୌର ପରିଷଦ ଅନ୍ତର୍ଗତ ୱାର୍ଡ ନମ୍ବର ୩ର ପାଲିଆ ଢେପ ଓ କଳିଙ୍ଗ ନଗର ବାସିନ୍ଦା । ଏଠାରେ ପ୍ରତି ଘରକୁ ପାଇପ ଲାଇନ ଦିଆଯାଇଛି । ହେଲେ ଭୂମିର ଭୌଗଳିକ ଓ ବୈଷୟିକ ତୃଟି ସହ ନର୍ଦମା ପୋତି ହେଇ ଯାଇଥିବାରୁ ଠିକ ଭାବେ ଜଳ ଯୋଗାଣ ହୋଇ ପାରୁନଥିବା ଅଭିଯୋଗ କରିଛନ୍ତି । ସେହିଭଳି ଯେଉଁ ଅଧ ଘଣ୍ଟାଏ ପାଣି ଯୋଗାଇ ଦିଆଯାଉଛି ବିଦ୍ୟୁତ ଅପ ଡାଉନ ଯୋଗୁଁ ପାଣି ମିଳୁନଥିବା କୁହାଯାଇଛି । ଅନ୍ୟପଟେ ଜଳକର ପୈଠ କରାଯାଇ ଥିଲେ ମଧ୍ୟ ପାଣି ପାଉନଥିବା ୱାର୍ଡ ବାସିନ୍ଦା କହିଛନ୍ତି । ସମସ୍ୟା ସମ୍ପର୍କରେ ସେମାନେ ଉପଜିଲ୍ଲାପାଳ, ଜନସ୍ୱାସ୍ଥ୍ୟ ବିଭାଗ ସହକାରୀ ଯନ୍ତ୍ରୀଙ୍କୁ ଅବଗତ କରାଇଛନ୍ତି । ଯଦି ଦୁଇ ଦିନ ମଧ୍ୟରେ ସମସ୍ୟା ସମାଧାନ ନ ହୁଏ ତେବେ ହାଣ୍ଡି ମାଠିଆ ନେଇ ଉପଜିଲ୍ଲାପାଳ ଓ ଜନସ୍ୱାସ୍ଥ୍ୟ ବିଭାଗ କାର୍ୟ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ପାଇଁ ଚେତାବନୀ ଦେଇଛନ୍ତି ।
Popular Categories
Previous article
Next article