ନୂଆଦିଲ୍ଲୀ – ଅନେକ ଲୋକ ଶୋଇବା ସମୟରେ ଫୋନ୍ ଚାର୍ଜିଂ କରିଥାଆନ୍ତି । ଫୋନ୍ର ଅଧିକ ଚାର୍ଜ ହେଲେ ଏହା ଗରମ ହୋଇ ଏହାର ବ୍ୟାଟେରୀ ଫାଟିବାର ସମ୍ଭାବନା ଥାଏ । କେବଳ ସେତିକି ନୁହେଁ ଏହା ଫୋନ୍ର ସମୟ କାଳ ହ୍ରାସ କରିଥାଏ ।
ଆପଲ୍ ପକ୍ଷରୁ ଏନେଇ ଚେତାବନୀ ଜାରି କରାଯାଇଛି । ଫୋନ୍କୁ ଚାର୍ଜିଂ ଅବସ୍ଥାରେ ଛାଡି ଆପଣ ଶୋଇବା ପାଇଁ ଗଲେ ଏହା ବ୍ୟାଟେରୀକୁ ନଷ୍ଟ କରିଥାଏ । ଏହା ଦ୍ୱାରା ବ୍ୟାଟେରୀ ଫାଟିବା, ଇଲେକ୍ଟ୍ରିକ୍ ଝଟକା ଲାଗିବା ସମ୍ଭାବନା ବୃଦ୍ଧି ପାଇଥାଏ ।
- Advertisement -
ଆଇଫୋନ୍ରେ କଭର ଦେଇଥିଲେ ଏବଂ ଏହାକୁ ଚାର୍ଜିଂରେ ବସାଇଲେ ଏହା ଅଧିକ ଗରମ ହୋଇଥାଏ । ତକିଆ ତଳେ ରଖି ଚାର୍ଜିଂ କରିବା ଅତି ଖରାପ । ଅନେକ ଲୋକ ଏପରି କରିଥାଆନ୍ତି । କେବେ ବି ଫୋନ୍ ଉପରେ କିମ୍ବା ପାଓ୍ୱାର ଆଡାପଟର ଉପରେ ଶୋଇବା କଥା ନୁହେଁ ବୋଲି ଆପଲ୍ ପକ୍ଷରୁ କୁହାଯାଇଛି ।
ଏହା ବ୍ୟତୀତ ବଜାରରୁ ଶସ୍ତା ଚାର୍ଜର ଆଇଫୋନ୍ର ବ୍ୟବହାର ନ କରିବା ପାଇଁ ପରାମର୍ଶ ଦିଆଯାଇଛି ।
