କଥାରେ ଅଛି ବିପଦ ଜାଣିଲେ ଏଣ୍ଡୁଅ ରଙ୍ଗ ବଦଳାଏ । ଏ କଥା ଆପଣ ନିଶ୍ଚୟ ଶୁଣିଥିବେ । ହେଲେ ବର୍ତ୍ତମନ ଏହି ଭିଡିଓରେ ଦେଖନ୍ତୁ । ଏଣ୍ଡୁଅଟି କିପରି ତାର ରଙ୍ଗ ବଦଳାଉଛି । ଭିଡିଓରେ ଦେଖିବାକୁ ମିଳୁଛି ଜଣେ ବ୍ୟକ୍ତି ଏକ ପୋଷା ଏଣ୍ଡୁଅଟିକୁ ଏକ ଟେବୁଲ ଉପରେ ଛାଡ଼ି ଦେଉଛନ୍ତି । ଆଉ ଏଣ୍ଡୁଅଟି ଧୀରେ ଧୀରେ ଆଗକୁ ବଢ଼ିବାକୁ ଲାଗୁଛି । ଆଗକୁ କିଛି ବାଟ ଯିବା ପରେ ତାର ବାଟରେ ପାଚିଲା କଦଳୀ ପଡ଼ୁଛି । ଏଣ୍ଡୁଅଟି ଠିକ୍ କଦଳିକୁ ସ୍ପର୍ଶ କରିବା ମାତ୍ରେ ପାଚିଲା କଦଳୀର ରଙ୍ଗ ପରି ହଳଦିଆ ହୋଇଯାଉଛି ।
ପରେ ପରେ ପୁଣି ଆଗକୁ ବଢ଼ୁଛି ଏଣ୍ଡୁଅଟି । ଆଗରେ କିଛି ଷ୍ଟ୍ରବେରୀ ରହିଥିବାରୁ ଷ୍ଟ୍ରବେରୀକୁ ସେ ଛୁଇଁବା ମାତ୍ରେ ସେ ନାଲି ରଙ୍ଗ ଧାରଣ କରୁଛି । ଶେଷରେ ଏକ ନୀଳ କପଡ଼ା ଉପରେ ଏଣ୍ଡୁଅଟି ଯାଇ ପହଞ୍ଚୁଛି । ଆଉ ସେଠରେ ପହଞ୍ଚିବା ପରେ ନୀଳ ରୂପ ଧାରଣ କରୁଛି । ବାସ୍ତବରେ ଏହି ଭିଡିଓଟି ପୂର୍ବରୁ ରହିଥିବା ଲୋକ କଥାକୁ ହିଁ ସୂଚାଉଛି । ବର୍ତ୍ତମାନ ଏହି ଭିଡିଓଟି ସାମାଜିକ ଗଣମାଧ୍ୟମରେ ଭାଇରାଲ ହେଉଥିବା ବେଳେ, ଏହା କେଉଁଠିକାର ଓ ଏଥିରେ କେତେ ସତ୍ୟାସତ୍ୟ ରହିଛି ତାହା ଜଣାପଡ଼ିନାହିଁ ।
Comments are closed.