ଏମିତି ବି ଆସେ ମୃତ୍ୟୁ; ମଞ୍ଚରେ ନୃତ୍ୟ କରିବା ବେଳେ ଚାଲିଗଲା ଜୀବନ, ଦେଖନ୍ତୁ ଏହି ହୃଦୟ ବିଦାରକ ଭିଡିଓ

ମତ୍ୟୁ ଗଣୁଛି ସମୟ । ଟିକ୍ ଟିକ୍ ଘଣ୍ଟା କଣ୍ଟାର କଣ୍ଟା ପରି ସରିଯାଉଛି ଆୟୁଷ ।  ଦୃଶ୍ୟଟି ଯେତିକି ମନୋରଞ୍ଜନ, ସେତିକି ହୃଦୟ ବିଦାରକ ମଧ୍ୟ । କାରଣ ମୃତ୍ୟୁ ବି ଆସେ ଏମିତି ।  ଗଣେଶଙ୍କ ପୂଜାମଣ୍ଡପରେ ହନୁମାନଙ୍କ ବେଶ ଧରି ଲୋକଙ୍କ ମନୋରଞ୍ଜନ କରୁଛନ୍ତି ଏହି ବ୍ୟକ୍ତି । କଳାକାର ଜଣକଙ୍କ ନାଁ ହେଉଛି ରବି ଶର୍ମା । ଆଉ ଏହି ଦୃଶ୍ୟ ହେଉଛି ଉତ୍ତରପ୍ରଦେଶର ମେନପୁରୀ ଅଞ୍ଚଳର ।

ଗୀତର ତାଳେ ତାଳେ ନାଚୁଛନ୍ତି ବ୍ୟକ୍ତି ଜଣକ । ଏବଂ ଲୋକଙ୍କ ମନରୋଞ୍ଜନ ମଧ୍ୟ କରୁଛନ୍ତି । ଦର୍ଶକ ମାନେ ତାଙ୍କର ଅଭିନୟରେ ମଜି ଯାଇଥିବା ଦେଖିବାକୁ ମିଳୁଛି ।  ହେଲେ ମାତ୍ର କିଛି ସମୟ ପରେ ସରିଯାଉଛି ସବୁକିଛି । ବ୍ୟକ୍ତି ଜଣକ ତଳେ ପଡ଼ି ଯାଉଛନ୍ତି । ଦର୍ଶକ ମାନେ କିନ୍ତୁ ଏହା ତାଙ୍କର ଅଭିନୟ ଭାବି ତାଳିମାରିଛନ୍ତି ।

ମାତ୍ର କିଛି ସମୟ ବିତିଯିବା ପରେ ରବି ସେଠାରୁ ନଉଠିବାରୁ କିଛି ଲୋକ ତାଙ୍କୁ ଉଠାଉଛନ୍ତି । ପରେ ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଉଛି । ହେଲେ ସେତେବେଳକୁ ସରିଯାଇଥାଏ ସବୁକିଛି । ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥାଆନ୍ତି । ଆଉ ଏହି ଖବର ଜଣିବା ପରେ ପୂଜା ମଣ୍ଡପ ଓ ସମ୍ପୃକ୍ତ ଅଞ୍ଚଳରେ ଶୋକର ଛାୟା ଖେଳିଯାଉଛି ।