ବୁର୍ଲା : ବର୍ତ୍ତମାନ ବେଶ୍ କିଛି ଦିନ ହେବ ବୁର୍ଲା ଭିମସାର ଯେପରି ଏକ ବିପଦପୂର୍ଣ୍ଣ ସ୍ଥାନ ହେବାକୁ ବସିଲାଣି। ଲଗାତାର ସିରିଜ ଭାବରେ ଅଘଟଣ ଘଟଣା ସମସ୍ତ ମହଲରେ ଚର୍ଚ୍ଚାର ବିଷୟ ପାଲଟିଛି। ମଙ୍ଗଳବାର ବୁର୍ଲା ମେଡ଼ିକାଲର ନେଫ୍ରୋଲୋଜି ବିଭାଗ କୁ ଯିବା ରାସ୍ତାରେ ରୋଗୀ ଏବଂ ସମ୍ପର୍କୀୟମାନେ ବସି ରହିଥିବା ସମୟରେ ହଠାତ୍ ଛାତର ଏକ ବିଶାଳ ଅଂଶ ଖସି ପଡିଥିଲା। ଏହା ତଳେ ରହିଥିବା ଜଣେ ରୋଗୀଙ୍କ ସମ୍ପର୍କୀୟଙ୍କ ଉପରେ ବିଶାଳ ଅତଡା ଖସିପଡିଥିଲା। ଅନ୍ୟ ଜଣେ ସମ୍ପର୍କୀୟ ପାଟି କରିବାରୁ ଉପସ୍ଥିତ ଲୋକେ ତାଙ୍କୁ ରକ୍ଷା କରିଥିଲେ। ପ୍ରତ୍ୟକ୍ଷଦର୍ଶୀଙ୍କ କହିବା ମୂତାବକ ସମ୍ପର୍କୀୟ ଜଣକ ଅଳ୍ପକେ ମୃତ୍ୟୁ ମୁଖରୁ ରକ୍ଷା ପାଇ ଯାଇଥିବାବେଳେ ନିକଟରେ ରହିଥିବା କିଛି ଲୋକ ମଧ୍ୟ ଏହି ଅଘଟଣ ରୁ ବର୍ତ୍ତି ଯାଇଛନ୍ତି। ଜଣେ ରୋଗୀଙ୍କ ସିଟି ସ୍କାନ ପରୀକ୍ଷା ଚାଲିଥିବା ସମୟରେ ହିଁ ସିଲିଂ ଅତଡା ଖସି ପଡିଥିଲା। ସେହି ଦିନଠାରୁ ସିଟି ସ୍କାନ ପରୀକ୍ଷା ବାଧାପ୍ରାପ୍ତ ହେବା ସହିତ ପୂର୍ଣ୍ଣ ମାତ୍ରାରେ ପରୀକ୍ଷା ମଧ୍ୟ ବନ୍ଦ ରହିଛି। କାରଣ ଉକ୍ତ କୋଠା ପାଣିରେ ସନ୍ତ ସନ୍ତିଆ ବାତାବରଣ ରହିବା ସହିତ ସିଟି ସ୍କାନ ମେସିନ ଉପରେ ମଧ୍ୟ ପାଣି ଝରୁଛି। ସିଟି ସ୍କାନ ବନ୍ଦ ଥିବାରୁ ରୋଗୀଙ୍କ ସମ୍ପର୍କୀୟ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି।
Popular Categories
Previous article
Next article