ନୂଆଦିଲ୍ଲୀ : ରାଫେଲ ଶବ୍ଦକୁ ନେଇ ଦେଶରେ ରାଜନୀତି ଜୋର ଧରିଛି। କଂଗ୍ରେସ ରାଫେଲ ଚୁକ୍ତିରେ ଦୁର୍ନୀତି ହୋଇଥିବା ଅଭିଯୋଗ କରିଆସୁଛି। ବିଭିନ୍ନ ରାଜନୈତିକ ସଭାରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ‘ଚୌକିଦାର ଚୋର ହୈ’ ବୋଲି କହି ତାତ୍ସଲ୍ୟ କରୁ ଛନ୍ତି । ତେଣୁ ଦେଶରେ ରାଫେଲ ଶବ୍ଦକୁ ନେଇ ରାଜନୀତି ଥମିବାରେ ନାଁ ନେଉଁନାହିଁ।
ଛତିଶଗଡର ମହାସମୁନ୍ଦ ଲୋକସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ଏକ ଗ୍ରାମ ରହିଛି ଯାହାର ନାମ ‘ରାଫେଲ’। ଏହାର ଗ୍ରାମବାସୀ ରାଫେଲ ଶବ୍ଦର ବିବାଦକୁ ନେଇ ଚିନ୍ତାରେ ଥିବା ଜଣାପଡିଛି। ଅନ୍ୟକିଛି ଗ୍ରାମବାସୀ ନିଜ ଗ୍ରାମର ନାମ ଜାତୀୟ ଓ ବିଶ୍ୱ ସ୍ତରରେ ଚର୍ଚ୍ଚା ସାଉଁଟୁଥିବା ନେଇ ଖୁସି ଥିବା କହିଛନ୍ତି। ଓଡ଼ିଶା ଏବଂ ଛତିଶଗଡ ସୀମାବର୍ତ୍ତୀ ଅଞ୍ଚଳରେ ମହାସମୁନ୍ଦ ଲୋକସଭା ଆସନ ରହିଛି।
ରାଫେଲକୁ ନେଇ ଦେଶର ରାଜନୀତି ବଦଳିଯାଇଛି ସତ କିନ୍ତୁ ‘ରାଫେଲ’ ଗ୍ରାମର ରୂପ ବଦଳିନଥିବା ଗ୍ରାମବାସୀ କହିଛନ୍ତି। ଏହି ଗ୍ରାମରେ ରାଫେଲ ଳଢୁଆ ବିମାନ ନିର୍ମାଣ କରାଯାଉ ନାହିଁ। ଏହା ବଦଳରେ ଗ୍ରାମରେ ଇଟା ଭାଟି ଥିବା ଦେଖିବାକୁ ମିଳିଛି। ଗ୍ରାମରେ ପାନୀୟ ଜଳ ସମସ୍ୟା ଏବଂ ବେକାରୀ ଦୁଇଟି ବଡ ସମସ୍ୟା ଥିବା ଗ୍ରାମବାସୀ କହିଛନ୍ତି।
ଗ୍ରାମର ନାମ ‘ରାଫେଲ’ ; ବିବାଦକୁ ନେଇ ଚିନ୍ତାରେ ଗ୍ରାମବାସୀ
Popular Categories
Previous article
Next article