ଛପାକ, ମିର୍ଜାପୁର, କ୍ରିମିନାଲ୍ ଜଷ୍ଟିସ୍ରେ ବିକ୍ରାନ୍ତ ମସେଙ୍କ ଅଭିନୟ ଦେଖିବା ପରେ ପ୍ରଶଂସକଙ୍କ ପାଖରେ ସେ ‘ଟ୍ରୁ ହିରୋ’ ନାମରେ ପରିଚିତ ହୋଇଥିଲେ। ଟେଲିଭିଜନ ଜଗତରୁ କ୍ୟାରିୟର ଆରମ୍ଭ କରିଥିବା ଏଇ କଳାକାରଜଣକ ନିକଟରେ ଏକ ସାକ୍ଷାତକାର୍ରେ କହିଛନ୍ତି, ବଡ଼ବଡ଼ ବ୍ୟାନର୍ର ୬ଟି ଚଳଚ୍ଚିତ୍ର ୨୦୧୧ରେ ତାଙ୍କ ହାତରୁ ଯାଇଥିଲା। କାରଣ ଥିଲା ଏସବୁ ଆକ୍ସନ୍ ଚଳଚ୍ଚିତ୍ରରେ କାମ କରିବା ପାଇଁ ତାଙ୍କର ବାଇସେପ୍ ନଥିଲା। ବିକ୍ରାନ୍ତ ଏଇ ସମୟରେ ନିରାଶ ହୋଇଯାଇଥିଲେ କିନ୍ତୁ କ୍ରିମିନାଲ୍ ଜଷ୍ଟିସ୍ ପରି ୱେବ୍ ସିରିଜ୍ର କାମ ତାଙ୍କୁ ମିଳିଲା। ସଫଳତା ପାଇବା ପରେ ଥରେ ସେ ବନ୍ଧୁ ପଙ୍କଜ ତ୍ରିପାଠୀଙ୍କୁ ଏଇ କଥା କହିଲେ। ପଙ୍କଜ ପରାମର୍ଶ ଦେଲେ, ଭାଇ ବଡି ବିଲଡିଂ କରିବାକୁ ସମୟ ଅଛି, ଏବେ ମିଳୁଥିବା ସୁଯୋଗକୁ ହାତଛଡ଼ା କରନି। କଥାଟିକୁ ମଧ୍ୟ ବିକ୍ରାନ୍ତ ମାନି ଏଇ ଲକ୍ଡାଉନ୍ ସମୟରେ ବଡି ବିଲଡିଂ କରିବାକୁ ଯଥା ସାଧ୍ୟ ଚେଷ୍ଟା କଲେ, ହେଲେ ଅନ୍-ଲାଇନ୍ ପ୍ରଶିକ୍ଷକଙ୍କ ଅକ୍ଳାନ୍ତ ଉଦ୍ୟମ ସତ୍ତ୍ବେ ବିକ୍ରାନ୍ତ ସେସବୁ କରିପାରିଲେନି। ଗଲା କିଛିଦିନ ହେବ, ବିକ୍ରାନ୍ତ ମୁମ୍ବଇର ଏକ ଜିମ୍ରେ ବଡି ବିଲଡିଂ ତାଲିମ ନେଉଥିବାର ଜଣାପଡ଼ିଛି। ଯେପରି ହେଉ ଆକ୍ସନ୍ ଚଳଚ୍ଚିତ୍ରରେ ସେ କାମ କରିବେ, ଏଇ ଯୋଜନାରେ ବିକ୍ରାନ୍ତ ଅଛନ୍ତି।
Popular Categories
Previous article
Next article