ପାଟଣା : ଦୁର୍ନୀତି ନିବାରଣ ସଚେତନତା ସପ୍ତାହ ପାଳନ ଅବସରରେ କେନ୍ଦୁଝର ଜିଲ୍ଲା ଦୁର୍ନୀତି ନିବାରଣ ବିଭାଗ ପକ୍ଷରୁ ସାହାରପଡା ବ୍ଲକର ବଡ଼ବିଲ ପଞ୍ଚାୟତରେ ଏକ ସଚେତନତା ସଭା ଅନୁଷ୍ଠିତ ହୋଇଛି । ଏଥିରେ ବିଭାଗର ବରିଷ୍ଠ ନିରୀକ୍ଷକ ଦଇତାରୀ ଘଡ଼ାଇ ଓ ହେମାମାଳିନୀ ନାୟକ ଯୋଗ ଦେଇ ଦୁର୍ନୀତି ନିବାରଣ ସମ୍ପର୍କରେ ଉପସ୍ଥିତ ଜନସାଧାରଣଙ୍କୁ ସଚେତନ କରାଇଥିଲେ । ଦୁର୍ନୀତି ନିବାରଣ ପାଇଁ ଜନସାଧାରଣଙ୍କ ସହଯୋଗ ଓ ସଚେତନତା ଏକାନ୍ତ ଜରୁରୀ ବୋଲି ସୂଚନା ଦିଆଯାଇଥିଲା। ଜନସାଧାରଣଙ୍କ ଟିକସ ରେ ସରକାର ଙ୍କ ପକ୍ଷରୁ ବିଭିନ୍ନ ଯୋଜନା କାର୍ଯ୍ୟକାରୀ ହେବା ସହିତ ଦରମା ପାଉଥିବାରୁ ସେମାନଙ୍କ ଟିକସ ର ସଦବିନିଯୋଗ ହେଉଛି କି ନାହିଁ ଏହା ଉପରେ ଜନସାଧରଣ ନଜର ରଖିବା ଉଚିତ୍ ବୋଲି ପରାମର୍ଶ ଦିଆଯାଇଥିଲା । ଯେକୌଣସି ଦୁର୍ନୀତି ସମ୍ପର୍କରେ ଖବର ପାଇଲେ ଭିଜିଲାନ୍ସ ବିଭାଗକୁ ଖବର ଦେଉଥିବା ଖବର ଦାତାଙ୍କ ନାମ ଗୋପନ ରଖାଯାଇଥିବାରୁ ବିଭାଗକୁ ସହଯୋଗ କରିବାକୁ ନିବେଦନ କରା ଯାଇଥିଲା। କାର୍ଯ୍ୟକ୍ରମରେ ସାହାରପଡା ବ୍ଲକ ଜିପିଇଓ ରମାକାନ୍ତ ନାଏକ ମଧ୍ୟ ମତ ରଖିଥିଲେ । ବଡ଼ବିଲ ପଞ୍ଚାୟତର ସରପଞ୍ଚ, ନିର୍ବାହୀ ଅଧିକାରୀଙ୍କ ସହ ଗ୍ରାମବାସୀ କାର୍ଯ୍ୟକ୍ରମରେ ସାମିଲ ଥିଲେ । ସରକାରୀ କର୍ମଚାରୀ, ବେସରକାରୀ ଅନୁଷ୍ଠାନ, ଲୋକ ପ୍ରତିନିଧି ଓ ଜନସାଧାରଣଙ୍କ ସହଯୋଗ ରହିଲେ ଦୁର୍ନୀତି ନିବାରଣ ସମ୍ଭବ ବୋଲି କାର୍ଯ୍ୟକ୍ରମରେ ମତ ପ୍ରକାଶ ପାଇଥିଲା।
Popular Categories
Previous article
Next article