ଜୟପୁର : ବର୍ଷା ଦିନରେ ଅଧିକାଂଶ ସ୍ଥାନରେ, ଘରେ, ଜୋତା, ହେଲମେଟ ଭିତରେ ସାପ ଲୁଚି ରହିବା ଭଳି ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ୱାଶିଂମେସିନରେ ପୋଷାକ ସଫା କରିବାକୁ ଯାଉଥିଲେ ପ୍ରଥମେ ସାବଧାନ ହୋଇ ଯାଆନ୍ତୁ । ରାଜସ୍ଥାନର କୋଟାରେ ଏପରି ଏକ ଘଟଣା ସାମ୍ନାକୁ ଆସିଛି, ଯାହା ଆପଣଙ୍କ ହୋସ୍ ଉଡାଇ ଦେବ । ଭୟରେ ଥରିବାକୁ ଲାଗିବେ ମଧ୍ୟ।
ୱାଶିଂମେସିନରେ ଫଣା ଟେକି ଥିଲା କଳା ନାଗ pic.twitter.com/t5L3qojUwq
— Samaja Live (@samajalive) August 22, 2024
ଭିଡିଓରେ ଦେଖି ପାରିବେ, ୱାଶିଂମେସିନ୍ ଭିତରେ ସାପଟି କିଭଳି ଫଣା ଟେକି ରହିଛି । ଏହି ଦୃଶ୍ୟ ବାସ୍ତବିକ ଭୟଭୀତ କରୁଛି । ଲୋକେ ଭିଡିଓକୁ ଦେଖି ନିଜର ଭିନ୍ନ ଭିନ୍ନ ମତ ଦେଇଛନ୍ତି।
କୋଟାର ସ୍ୱାମୀ ବିବେକାନନ୍ଦନଗରରେ ଜଣେ ବ୍ୟକ୍ତି ପୋଷାକ ସଫା କରିବାକୁ ୱାଶିଂମେସିନ୍ ଖୋଲିବା ମାତ୍ରେ ତା’ମଧ୍ୟରେ ୫ ଫୁଟର କଳା ନାଗ ଫଣା ଟେକି ରହିଥିଲା । ଏଭଳି ଦୃଶ୍ୟ ଦେଖି ସେ ଭୟଭୀତ ହୋଇ ୱାଶିଂମେସିନ୍ ଢାଙ୍କୁଣୀ ବନ୍ଦ କରି ଦେଇଥିଲେ । ସାପ ଧରାଳି ଖବର ପାଇ ଘଟଣାସ୍ଥଳରେ ପହଞ୍ଚି ଏହି ୫ ଫୁଟର କଳା ନାଗକୁ ସୁରକ୍ଷିତ ଉଦ୍ଧାର କରି ଥିଲେ । ପରେ ସାପକୁ ଜଙ୍ଗଲରେ ଛାଡି ଦେଇଥିଲେ । ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି ।
Comments are closed.