ଗ୍ରୀଷ୍ମ ଦିନେ ଫଳ ଓ ପନିପରିବା ଯଥା ସମୟ ପୂର୍ବରୁ ହିଁ ଖରାପ ହୋଇଯାଇଥାଏ। ଏପରିକି ଅଧିକାଂଶ ପରିବାକୁ ଫ୍ରିଜ୍ରେ ରଖିବା ପରେ ମଧ୍ୟ ତାହାର ସତେଜତା ନଷ୍ଟ ହୋଇଥାଏ। ଏପରି ସ୍ଥଳେ ଏହି ଉପାୟ ଅବଲମ୍ବନ କରନ୍ତୁ।
ବର୍ତ୍ତମାନ ବଜାର ଓ ବିଭିନ୍ନ ଅନ୍-ଲାଇନ୍ ସାଇଟ୍ରେ ପରିବା ଓ ଫଳ ରଖିବା ନିମନ୍ତେ ଛୋଟଛୋଟ ବ୍ୟାଗ୍୍ମାନ ଉପଲବ୍ଧ ହେଉଛି। ଏସବୁ ଆଣି ପ୍ରତ୍ୟେକ ପରିବାକୁ ଅଲଗାଅଲଗା ରଖିବା ଉଚିତ।
ପରିବା ଓ ଫଳ ଦୋକାନରୁ ଆଣିବା ପରେ ଭଲଭାବେ ଧୋଇ-ପୋଛି ତାହାକୁ ସେଇ ବ୍ୟାଗ୍ରେ ରଖନ୍ତୁ। ଏପରି କଲେ ପରିବାର ସତେଜତା ଅଧିକ ଦିନ ରହିଥାଏ।
କଦଳୀ, ତରଭୁଜ, ଆମ୍ବକୁ ଫ୍ରିଜ୍ରେ କିମ୍ବା ବାହାରେ ପରିବା ସହ ରଖିଲେ, ସେଗୁଡ଼ିକ ଶୀଘ୍ର ଖରାପ ହୋଇଥାଏ।
ଅଙ୍ଗୁର ଫଳକୁ ଫ୍ରିଜର୍ ବ୍ୟାଗ୍ରେ ରଖିଲେ ତାହା ଅଧିକ ଦିନ ପର୍ୟ୍ୟନ୍ତ ସତେଜ ରହିଥାଏ।
ଆଳୁ, ପିଆଜ, ଟମାଟୋକୁ ଫ୍ରିଜ୍ରେ କେବେହେଲେ ରଖିବେ ନାହିଁ। ଏପରି କଲେ ତା’ର ପୋଷକତତ୍ତ୍ବ ନଷ୍ଟ ହୋଇ ଖାଦ୍ୟକୁ ବିଷାକ୍ତ କରିଥାଏ।
ରୋଷେଇଘରେ ଆଳୁକୁ ଏପରି ସ୍ଥାନରେ ରଖନ୍ତୁ, ଯେଉଁଠାରେ ସୂର୍ୟ୍ୟକିରଣ ନ ପଡ଼ିବ। ଏହା ଦ୍ବାରା ଆଳୁ ଅଧିକ ଦିନ ସତେଜ ରହେ।