ଲାଞ୍ଜିଗଡ଼ : ଭାରତର ଅଗ୍ରଣୀ ଆଲୁମିନା ଉତ୍ପାଦନକାରୀ ବେଦାନ୍ତ ଆଲୁମିନିୟମ ମହିଳା ସଶକ୍ତିକରଣ ଏବଂ କଳାହାଣ୍ଡିର ସମୃଦ୍ଧ ସାଂସ୍କୃତିକ ଚିତ୍ରକଳାର ଏକ ଜୀବନ୍ତ ଉତ୍ସବ “ପରିଚୟ” ଆୟୋଜନ କରିଥିଲା । ଗ୍ରାମୀଣ ଓଡ଼ିଶାର ମହିଳାମାନଙ୍କ ଉଦ୍ୟମିତା ମନୋଭାବକୁ ପାଳନ କରୁଥିବା ଏହି କାର୍ଯ୍ୟକ୍ରମରେ ୬୦ଟି ଗାଁରୁ ୨୦୦୦ରୁ ଅଧିକ ମହିଳା ଅଂଶଗ୍ରହଣ କରିଥିଲେ।
ଏହି ଅବସରରେ ବେଦାନ୍ତ ଆଲୁମିନା ବ୍ୟବସାୟର ସିଇଓ ପ୍ରଣବ କୁମାର ଭଟ୍ଟାଚାର୍ଯ୍ୟ କହିଥିଲେ, “ସମାବେଶୀ ବିକାଶର କେନ୍ଦ୍ରରେ ରହିଛନ୍ତି ମହିଳା। ଆମର ମହିଳା ସଶକ୍ତିକରଣ ପ୍ରକଳ୍ପ-ସଖୀ ମାଧ୍ୟମରେ, ଆମେ ସମଗ୍ର କଳାହାଣ୍ଡିରେ ୫୦୦୦ରୁ ଅଧିକ ମହିଳାଙ୍କୁ ସଶକ୍ତ କରି, ସ୍ଥାନୀୟ ଉଦ୍ୟୋଗକୁ ସହାୟତା କରି ଏବଂ ସାମାଜିକ ତଥା ଆର୍ଥିକ ସ୍ୱାଧୀନତାକୁ ସକ୍ଷମ କରି ଗର୍ବିତ। ‘ପରିଚୟ ” ସେମାନଙ୍କ ଉତ୍ସାହ ଏବଂ ସଫଳତା କାହାଣୀର ଏକ ଉତ୍ସବ” ବୋଲି ସେ କହିଥିଲେ ।
ପରିଚୟରେ ୧୮ଟି ସ୍ୱୟଂ ସହାୟକ ଗୋଷ୍ଠୀ (ଏସ୍ଏଚଜି) ଙ୍କ ଷ୍ଟଲ ରହିଛି, ଯେଉଁଥିରେ ମହୁ, କୋଳଥ ଡାଲି, ବାଜରା ପ୍ରସ୍ତୁତ ବିସ୍କୁଟ, ଘଣା ତେଲ, ମସଲା, କାଗଜ ପ୍ଲେଟ ଏବଂ ପରିବେଶ ଅନୁକୂଳ ସଫେଇ ସାମଗ୍ରୀ ସମେତ ବିଭିନ୍ନ ହସ୍ତଶିଳ୍ପ ଏବଂ ଜୈବିକ ଉତ୍ପାଦ ଉପସ୍ଥାପନ କରାଯାଉଛି। ଉଲ୍ଲେଖନୀୟ ଆକର୍ଷଣଗୁଡ଼ିକ ମଧ୍ୟରେ “ସଖୀ ରୋଷେଇ”, ଏସଏଚଜି ମହିଳାମାନଙ୍କ ଦ୍ୱାରା ପରିଚାଳିତ ଏକ ସିଧାସଳଖ ରୋଷେଇ କାଉଣ୍ଟର, ଏକ ମାଟିପାତ୍ର ପ୍ରସ୍ତୁତ ପ୍ରଦର୍ଶନ, ଏବଂ ସ୍ଥାନୀୟ କାରିଗରଙ୍କ ଦ୍ୱାରାଢୋକ୍ରା ଏବଂ ସଉରା କଳା ଆଦି ଅନ୍ତର୍ଭୁକ୍ତ ।ଏହି କାର୍ଯ୍ୟକ୍ରମରେ ଆକର୍ଷଣୀୟ କାର୍ଯ୍ୟକଳାପ, ସାତଟି ଗ୍ରାମରୁ ଲୋକନୃତ୍ୟ ପ୍ରଦର୍ଶନ ଏବଂ ୧୧ଜଣ ପ୍ରେରଣାଦାୟୀ ସଫଳ ମହିଳାଙ୍କୁ ସେମାନଙ୍କ ଉଦ୍ୟୋଗୀ ଉତ୍କର୍ଷତା ପାଇଁ ସମ୍ମାନିତ କରିବା ସକାଶେଏକ ସ୍ୱତନ୍ତ୍ର ସମ୍ମାନ ସମାରୋହ ମଧ୍ୟ ଅନୁଷ୍ଠିତ ହୋଇଥିଲା।
