ନୂଆଦିଲ୍ଲୀ : ଗ୍ରୀଭ୍ସ ଇଲେକ୍ଟ୍ରିକ୍ ମୋବିଲିଟି ଲିମିଟେଡର ଇଲେକ୍ଟ୍ରିକ୍ ଦୁଇଚକିଆ କମ୍ପାନୀ ଏମ୍ପିୟର ରିୟୋ ୮୦ ଲୋ ବଜେଟ୍ ଇଲେକ୍ଟ୍ରିକ୍ ସ୍କୁଟର ଲଞ୍ଚ୍ କରିଦେଇଛି । ଏହାର ଏକ୍ସ-ଶୋରୁମ୍ ଦାମ୍ ୫୯,୯୦୦ ଟଙ୍କା ରଖିଛି କମ୍ପାନୀ । ନୂଆ ମଡେଲକୁ ଏଣ୍ଟ୍ରି-ଲେବଲ ବିକଳ୍ପ ରୂପେ ଆଣିଛି କମ୍ପାନୀ । ଏଥିପାଇଁ ଲାଇସେନ୍ସ ବା ରେଜିଷ୍ଟ୍ରେସନର ଆବଶ୍ୟକତା ନାହିଁ । ଏହାର ସର୍ବାଧିକ ସ୍ପିଡ୍ ୨୫ କିଲୋମିଟର ପ୍ରତି ଘଣ୍ଟାରୁ କମ୍ । ଏଥିରେ ଏଲସିଡି ଡିସପ୍ଲେ, ଏଲଏଫପି ବ୍ୟାଟେରୀ ଟେକ୍ନୋଲୋଜି, ଫ୍ରଣ୍ଟ ଡିସ୍କ ବ୍ରେକ୍ ଓ କିଲେସ୍ ଷ୍ଟାର୍ଟ ସୁବିଧା ମିଳିବ । ଏହାକୁ ଥରେ ଚାର୍ଜ କଲେ ୮୦ କିଲୋମିଟର ଯାତ୍ରା କରିହେବ ।
କମ୍ପାନୀର ସୂଚନା ଅନୁସାରେ ଚଳିତ ମାସରେ ସାରା ଦେଶରେ ଏହାର ଡେଲିଭରୀ ଆରମ୍ଭ ହୋଇଯିବ । ଏହାକୁ ମହିଳା, ବୟସ୍କ ଲୋକ ସମସ୍ତେ ଚଳାଇପାରିବେ । ଏଥିପାଇଁ ଲାଇସେନ୍ସର ମଧ୍ୟ ଆବଶ୍ୟକତା ନାହିଁ । ମାର୍ଚ୍ଚ ମାସରେ କମ୍ପାନୀ ୬ ହଜାରରୁ ଅଧିକ ଦୁଇଚକିଆ ଇଲେକ୍ଟ୍ରିକ୍ ଗାଡି ବିକ୍ରି କରିଛି ।
