ସାଧାରଣତଃ ଭାରତୀୟ ପରମ୍ପରା ଅନୁସାରେ ଆମେ ପ୍ରତ୍ୟେକ ଦିନ ଘରେ ପୂଜାପାଠ କରିଥାଆନ୍ତି। ଦିନ ଭଲରେ ବିତିବା ସହ ସମସ୍ତ ମନସ୍କାମନା ପୂର୍ଣ୍ଣ ପାଇଁ ବିଭିନ୍ନ ପ୍ରକାରର ରୀତିନୀତିର ମଧ୍ୟ ପାଳନ କରିଥାଆନ୍ତି। ମାତ୍ର ପୂଜା ଓ ପୂଜା ଘର ସହ ଜଡ଼ିତ କିଛି ବାସ୍ତୁ ନିୟମ ରହିଛି। ଏହି ନିୟମକୁ ମାନି ଚଳିବା ଦ୍ବାରା ଘରେ ସୁଖ ଶାନ୍ତି ବଜାୟ ରହିବା ସହିତ ଧନର ଅଭାବ ରହେ ନାହିଁ। ମାତ୍ର ଯଦି ସେଥିରେ ବ୍ୟତିକ୍ରମ ହୁଏ ତେବେ ଆମକୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡ଼ିଥାଏ। ତେବେ ଚାଲନ୍ତୁ ଜାଣିବା ପୂଜା ଓ ପୂଜା ଘର ସହ ଜଡ଼ିତ କିଛି ବାସ୍ତୁ ନିୟମ –
-ଘରର ସୁଖ ଏବଂ ଶାନ୍ତି ପାଇଁ ସବୁବେଳେ ଘରର ଠାକୁର ଘରେ ତମ୍ବା କଳସର ବ୍ୟବହାର କରିବା ଉଚିତ। ଶାସ୍ତ୍ର ଅନୁସାରେ ଏହା ଦ୍ବାରା ଘରେ ରହିଥିବା ସମସ୍ତ ବାସ୍ତୁଦୋଷ ଦୂର ହୋଇଥାଏ।
-ବାସ୍ତୁ ଅନୁଯାୟୀ ଘରର ରୋଷେଇଶାଳାରେ ପ୍ରସ୍ତୁତ କରାଯାଇଥିବା ପ୍ରଥମ ରୁଟି ସବୁବେଳେ ଗାଈ ଏବଂ ଶେଷ ରୁଟି ସବୁବେଳେ କୁକୁର ପାଇଁ ପ୍ରସ୍ତୁତ କରିବା ଉଚିତ୍। ଏହା ଦ୍ବାରା ଘରର ଅଭାବ ଏବଂ ଅଶାନ୍ତି ଦୂର ହୋଇଥାଏ।
-ପ୍ରତ୍ୟେକ ଦିନ ପୂଜା ଘର ବାହାରେ ଏକ ପାତ୍ରରେ ପାଣି ରଖିବା ଉଚିତ୍। ଏଥିସହିତ ତାହାର ପରଦିନ ପୂଜା ଶେଷ କରିବା ପରେ ସେହି ପାଣିକୁ ଘରର ସମସ୍ତ କୋଣରେ ସିଞ୍ଚିବା ଦ୍ବାରା ଘରେ ଏକ ସକରାତ୍ମକ ବାତାବରଣ ସୃଷ୍ଟି ହୋଇଥାଏ।
-ପୂଜା କରିବା ବେଳେ ପ୍ରଥମେ ପୂର୍ବରୁ ପୂଜାରେ ଲାଗିଥିବା ସମସ୍ତ ମଉଳିଥିବା ଫୁଲକୁ ବାହାର କରିଦେବା ଦରକାର। କାରଣ ଶୁଖିଲା ଫୁଲକୁ ଘରେ ରଖିବା ଦ୍ବାରା ଘର ମଧ୍ୟରେ ନକରାତ୍ମକ ଶକ୍ତି ସୃଷ୍ଟି ହୋଇଥାଏ। ଏଥିସହିତ ପୂଜାରେ ବ୍ୟବହାର ହୋଇଥିବା ଫୁଲ ବା ବାସୀ ଫୁଲକୁ ଏଣେତେଣେ ନପକାଇ ସର୍ବଦା ପାଣିରେ ପକାଇବା ଉଚିତ।
