ଦେହରାଡୁନ : ଉତ୍ତରାଖଣ୍ଡ ହାଇକୋର୍ଟ ରାଜ୍ୟରେ ସଂପ୍ରତି ଘଟିଥିବା ବିଷାକ୍ତ ମଦ୍ୟପାନ ଜନିତ ମୃତ୍ୟୁ ଘଟଣା ଉପରେ ରାଜ୍ୟ ସରକାରଙ୍କ ଠାରୁ ଜବାବ ଲୋଡିଛନ୍ତି । ବିଷାକ୍ତ ମଦ୍ୟପାନ ଘଟଣାରେ ଉତ୍ତରାଖଣ୍ଡ ଓ ଉତ୍ତର ପ୍ରଦେଶରୁ ୭୦ଜଣ ଲୋକ ପ୍ରାଣ ହରାଇଥିଲେ ବୋଲି ସରକାରୀ ଭାବେ କୁହାଯାଇଛି। ସେଥିମଧ୍ୟରୁ କେବଳ ଉତ୍ତରାଖଣ୍ଡରୁ ୩୬ଜଣ ଲୋକଙ୍କର ମୃତକ ଘଟିଥିଲା । ତେବେ ବେସରକାରୀ ଭାବେ ଏହି ସଂଖ୍ୟା ଢେର ଅଧିକ ବୋଲି କୁହାଯାଉଛି ।
ଏ ସଂକ୍ରାନ୍ତ ଏକ ଆବେଦନର ଶୁଣାଣି କରି ମୁଖ୍ୟ ବିଚାରପତି ରମେଶ ରଙ୍ଗନାଥନ ଓ ଜଷ୍ଟିସ ରମେଶ ଚନ୍ଦ୍ର ଖୁଲ୍ବେଙ୍କ ଖଣ୍ଡପୀଠ ୧୦ଦିନ ଭିତରେ ଜବାବ ଦେବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି । ସେହି ଆବେଦନରେ ସିବିଆଇ ଦ୍ୱାରା ଘଟଣାର ତଦନ୍ତ ପାଇଁ ଦାବି କରାଯାଇଥିବାବେଳେ ହରିଦ୍ୱାରର ଜିଲ୍ଲା ଅବକାରୀ ଅଫିସରଙ୍କୁ ବରଖାସ୍ତ କରିବ ସହ ତାଙ୍କ ନାମରେ ଏଫଆଇଆର ଦାଖଲ କରିବାକୁ ନିବେଦନ କରାଯାଇଛି ।
ବିଷାକ୍ତ ମଦ ମୃତ୍ୟୁ ଘଟଣା : ସରକାରଙ୍କ ଠାରୁ ଜବାବ ଲୋଡିଲେ ଉତ୍ତରାଖଣ୍ଡ ହାଇକୋର୍ଟ
Popular Categories
Previous article
Next article