ନୂଆଦିଲ୍ଲୀ : ଉତ୍ତରପ୍ରଦେଶରୁ ବନ୍ଦାୟୁ ଜିଲାରୁ ଆଶ୍ଚର୍ଯ୍ୟ କରିବା ଭଳି ଏକ ଘଟଣା ସାମ୍ନାକୁ ଆସିଛି । ଏଠାରେ ଜଣେ ୫୨ ବର୍ଷୀୟ ମହିଳା ଯିଏ କି ୯ ପିଲାଙ୍କ ମାଆ ବୋଲି ଜଣାପଡିଛି, ନିଜ ସ୍ୱାମୀ ଓ ପରିବାରକୁ ଛାଡି ୩୨ ବର୍ଷୀୟ ଯୁବକଙ୍କ ସହ ଫେରାର ହୋଇଯାଇଥିବା ଖବର ମିଳିଛି । ମହିଳା ଜଣକ ନିଜ ସହ ୧୦ ବର୍ଷୀୟ ନିଜର ନାବାଳିକା ଝିଅ, ଲକ୍ଷାଧିକ ଟଙ୍କାର ସୁନାଗହଣା, ଜମିର କାଗଜପତ୍ର ମଧ୍ୟ ନେଇଯାଇଛନ୍ତି । ଏହି ଘଟଣା ସାମ୍ନାକୁ ଆସିବା ପରେ ହଇଚଇ ସୃଷ୍ଟି ହୋଇଛି ।
ଏହି ଘଟଣା ଉସହେତ ଥାନା ଅନ୍ତର୍ଗତ ଜଲାଲପୁର ଗାଁର । ମହିଳାଙ୍କ ସ୍ୱାମୀ କହିଛନ୍ତି ଯେ, ଉଭୟଙ୍କ ବିବାହକୁ ୩୨ ବର୍ଷ ପୂରିଛି । ଦମ୍ପତି ୯ ଜଣ ପିଲାଙ୍କ ବାପା-ମାଆ । ସେମାନଙ୍କର ୫ ଝିଅ ଓ ୪ ପୁଅ । ଜଣେ ୨୧ ବର୍ଷୀୟ ପୁଅର ରୋଗରେ ମୃତ୍ୟୁ ହେବା ପରେ ୩ ଝିଅ ଓ ଜଣେ ପୁଅର ବିବାହ ହୋଇ ସାରିଛି । ମହିଳାଙ୍କ ସ୍ୱାମୀ କାନ୍ଦି କାନ୍ଦି କହିଛନ୍ତି ଯେ, ସେ ମୂଲମଜୁରୀ କରି ଘର ଚଳାଇବା ଠାରୁ ଆରମ୍ଭ କରି ପିଲାମାନଙ୍କ ବିବାହ କରିଛନ୍ତି । ବ୍ୟକ୍ତି ଜଣକ ଅଭିଯୋଗ ଅନୁଯାୟୀ, ତାଙ୍କ ପତ୍ନୀ ୪ ଲକ୍ଷ ଟଙ୍କାର ସୁନାଗହଣା, ୫୦ ହଜାର ନଗଦ ଟଙ୍କା ଓ ଜମି କାଗଜପତ୍ର ନେଇ ଯାଇଛନ୍ତି ।
ମହିଳା ଜଣକ ୨୦ ଦିନ ଧରି ନିଖୋଜ ଥିଲେ। ପୁଲିସ ନିକଟରେ ମହିଳା ଜଣକ ନିଖୋଜ ନେଇ ମଧ୍ୟ ପରିବାର ଲୋକେ ଅଭିଯୋଗ କରିଥିଲେ। ପୁଲିସ ଖୋଖୋଜି ଆରମ୍ଭ କରିବା ପରେ ମହିଳାଙ୍କୁ ତାଙ୍କ ପୁରୁଷ ବନ୍ଧୁଙ୍କ ସହ ଧରିଥିଲା । ପରେ କୋର୍ଟରେ ମାମଲା ରହିଥିବା ବେଳେ ମହିଳା ଜଣକ ଆଉ ସ୍ୱାମୀଙ୍କ ନିକଟକୁ ଫେରିବେ ନାହିଁ ଏବଂ ପୁରୁଷ ବନ୍ଧୁଙ୍କ ସହ ରହିବା ଶେଷ ନିଷ୍ପତ୍ତି ବୋଲି କହିଥିଲେ । ଏବେ ଏହି ମାମଲା ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।
ଜିଏସଟି ପ୍ରଭାବ ; ୧୮ ହଜାର ପର୍ଯ୍ୟନ୍ତ ଶସ୍ତା ହେଲା ଏହି ୨ ଚକିଆ ସ୍କୁଟର-ବାଇକ୍
