ୟୁନିୟନ୍‌ ବ୍ୟାଙ୍କର ପରିଚାଳନା ନିର୍ଦ୍ଦେଶକଙ୍କ ଓଡ଼ିଶା ଗସ୍ତ

ଭୁବନେଶ୍ୱର: ୟୁନିୟନ୍‌ ବ୍ୟାଙ୍କ୍‌ ଅଫ୍‌ ଇଣ୍ଡିଆର ପରିଚାଳନା ନିର୍ଦ୍ଦେଶକ ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଏ. ମଣୀମେଖାଲାଇ ପ୍ରଥମ ଥର ପାଇଁ ଦୁଇଦିନିଆ ଓଡ଼ିଶା ଗସ୍ତରେ ଆସି ଚଳିତ ମାସ ୪ ତାରିଖରେ
ଏଠାରେ ପହଞ୍ଚିବେ ।

ଏହି ଅବସରରେ ସେ ଉଚ୍ଚପଦସ୍ଥ ସରକାରୀ ଅଧିକାରୀମାନଙ୍କ ସହ ସାକ୍ଷାତ କରିବା ସହିତ ଭୁବନେଶ୍ୱରର ଡେରାସସ୍ଥିତ ଆଦୃତ ଶିଶୁ ସଦନ ଠାରେ ଅନୁଷ୍ଠିତ ଏକ କର୍ପୋରେଟ୍‌ ସାମାଜିକ
ଦାୟିତ୍ୱବୋଧତା କାର୍ଯ୍ୟକ୍ରମରେ ଯୋଗଦେବେ । ଏଥି ସହିତ ସେ ଟାଉନହଲ୍‌ ମିଟିଂ ମାଧ୍ୟମରେ ଭୁବନେଶ୍ୱର ଏବଂ କଟକ କ୍ଷେତ୍ରର କର୍ମଚାରୀମାନଙ୍କୁ ସମ୍ବୋଧିତ କରିବା ସହ ରାଜ୍ୟରେ କାର୍ଯ୍ୟ କରୁଥିବା ୬ଟି କ୍ଷେତ୍ରର କିଛି ବଛାବଛା ଶାଖାର କାର୍ଯ୍ୟଦକ୍ଷତାକୁ ମଧ୍ୟ ସମୀକ୍ଷା କରିବେ ।